"Deməli, Fəzail Ağamalının rəqqasəylə fotosunun yayılan vaxt - 2000-ci il idi.
Bir həmkarla Nərimanovda, düz kinoteatra bitişik yerdə çay içirdik, həmin günü müxalifyönlü qəzetlərdən birinin Fəzail Ağamalını niyə müdafiə etdiyini müzakirə edirdik. Ki, bir də nə görsək yaxşıdır?.." "DİA-AZ" xəbər verir ki, bunu özünün sosial şəbəkə hesabında tanınmış jurnalist Fazil Əhməd qeyd edib.

Jurnalist daha sonra bildirir:
"Ağamalı QAZ 24 maşınıyla yanımızdan keçib arxadakı kafeyə girdi. Özü də həmin qəzetin redaktoru ilə.
Yanımdakı həmkar dedi ki, bunu belə buraxammaram...
And ola, Fəzailə zəng etdi ki, hardasınız?
Dandı. Dedi, parlamentdəyəm.
Bu da dedi, bilirəm filankəslə bir yerdəsiniz...
İnanın, iki dəqiqə keçmədi, Fəzail durub kafedən qaçdı..
Sabah isə qəzetlərin birinə açıqlama verdi ki, hakimiyyətdəki bəzi qüvvələr məni izləyir...

"DİA-AZ" bildirir ki, Fazil Əhmədin bu xatirəsi ilə bağlı hadisənin digər şahidi - tanınmış jurnalist Məhəmmədəlı Qəribli də öz qeydini əlavə edərək yazıb: "Dəyərli qardaş, tarixi və məkanı dəqiq qeyd edirsən, amma bəzi detalları unudubsan. Həmin qəzet Fəzail bəylə bağlı qalmaqallı bir foto paylaşmışdı. Səhəri gün qəzetin aparıcı redaktorlarından biri ilə deyilən məkanda görüşdüyünün şahidi olduq. Fəzail müəllim nömrəsi 555-lə olan bir qara Qaz-31-lə həmin məkana gəldi, arxasınca jurnalist öz maşınında. O zamanlar üçün belə təmaslara adi hadisə kimi baxılmırdı. Fəzail bəyə mən zəng etdim, yazıq durub tez həmin məkanı tərk etdi. Səhər də açıqlama vermişdi ki, hakimiyyət bəzi jurnalistlərin əli ilə məni izlədir. Maraqlıdır ki, üstündən 25 il keçsə də hadisə hər ikimizin yadından çıxmayıb..."