"Bakı Dövlət İqtisadiyyat və Humanitar” Kolleci haqqında, daha doğrusu, kollecin direktoru Rüxsarə Əliyeva haqqında ötən ay şikayət media da ictimailəşdirilmişdi.

Həmin vaxt şikayətçi qeyd edirdi ki, ötən ilin fevral ayında Rüxsarə Əliyevanın kollecdə çalışan bacısı Səadət Əliyeva Mələk adlı Füzuli rayonundan olan məcburi köçkündən "Bakı Dövlət İqtisadiyyat və Humanitar” Kollecinə işə düzəltmək adı ilə 4000 azn pulu rüşvət qismində alıb.
Pulu alanda qeyd edib ki, direktor Rüxsarə Əliyevanın bacısıdır və kollec birbaşa Təhsil Nazirliyinə tabe olduğundan vəsait birbaşa "yuxarı”, yəni Nazirliyə çatır.
Məlumat üçün qeyd edək ki, Səadət Əliyeva 4000 manat vəsaiti alanda bacısının yanında məsul vəzifə daşıyıb. Hal-hazırda orada çalışmır.
Məlumatı ictimailəşdirmədən öncə tərəflərin münasibətini öyrəndik. Rüxsarə Əliyeva ötən il işçisi olan bacısının 4000 manat rüşvət almasını təsdiq etsə də, pulu geri qaytarmaqdan boyun qaçırıb.
Sonra Sədaət Əliyeva ilə danışdıq. O isə bütün ittihamları qəbul etdi, 4000 azn vəsaiti rüşvət qismində aldığını etiraf etdi. Daha sonra o, 17 mart 2021 tarixinədək vəsaiti geri qaytaracağını söz verdi. Ancaq bu günə qədər vəsait geri qaytarılmayıb. Ailənin durumu çox ağırdır və çıxılmazdır.
Məlumat üçün qeyd edək ki, redaksiya olaraq həm Rüxsarə Əliyevanın, həm də Səadət Əliyevanın səsləri, xəbərdarlıq olunaraq, qeydə alınmışdır.
Bundan başqa ötən ay Təhsil nazirliyi ilə əlaqə saxladıq. Cəsarət Valehov qeyd etdi ki, məsələ ilə bağlı rəsmi sorğu göndərək. Sorğudan bir neçə gün sonra əlaqə saxladıq, məlum oldu ki, sorğu Daxili Nəzarət şöbəsi baxır. 1 aya yaxın vaxt keçsə də sorğuya reaksiya verilməyib.
Sosial şəbəkədə isə Cəsarət Valehov maraqlı münasibət bildirib: "Bu məsələ ilə bağlı xahiş edirəm hüquq-mühafizə orqanlarına müraciət edin. Konkret faktlarla.”.
Görünən odur ki, kollec direktoru və bacısı düz deyirmiş: Vəsait birbaşa Emin Əmrullayevə çatıb.
Mövzunu diqqətdə saxlayacağıq.
Mənbə 7NEWS.az

QEYD: Redaksiyamızla əlaqə saxlayan Rüxsarə Əliyeva yuxarıda yazıda iddia olunanların həqiqət olmadığını bildirib. Bununla bağlı açıqlama tələb etdikdə isə Rüxsarə Əliyeva hazırda səhhətində problemlərin olduğunu qeyd edərək yaxın günlərdə geniş münasibətini redaksiyamıza yollayacağını da söyləyib...