Suriyanın xarici işlər naziri Əsəd Həsən Əl-Şeybani ilə İsrailin strateji işlər naziri Ron Dermer arasında Bakı şəhərində görüş keçirilib.
Musavat.com xəbər verir ki, görüş təhlükəsizlik baxımından qapalı formatda təşkil olunub və tərəflər arasında bir sıra regional məsələlərin, o cümlədən Yaxın Şərqdə gərginlik, Suriya-İsrail münasibətləri müzakirə edilib.
Müxtəlif ərəb və İsrail mediası görüşün iyulun 31-də baş tutduğunu yazıb.
Rəsmi mənbələr hələlik görüşlə bağlı təfərrüat verməsə də, ekspertlər bu cür təmasların Azərbaycanın beynəlxalq dialoq platforması kimi artan rolunun göstəricisi olduğunu bildirirlər.
