...Bir müddətdir barəsində Azərbaycan CM-nin 5 ağır maddəsi ilə cinayət işi başlanılmış (xüsusilə külli miqdarda rüşvət alma, rüşvət vermə, sənəd saxtalaşdırma, qanunsuz orqan transplantasiyası, saxta diplom satma və s.), haqqında İnterpol xətti ilə Beynəlxalq axtarış verilmiş keçmiş ABU rektoru Elşad Abdullayev müvəqqəti sığınacaq tapdığı Fransada əsas məşğuliyyətini saxta facebook profilləri yaradaraq çeşidli şər və böhtan “istehsal etməklə” məşğuldur. Onun dayaz düşüncə məhsulu olan bu yalan və böhtanlarının hədəfində kimlər yoxdur: Azərbaycan Prezidenti, onun komandası və xüsusən də ölkənin hüquq mühafizə orqanı rəhbərləri... Bu sırada, həmçinin Prezident Adminstrasiyasının rəhbəri Ramiz Mehdiyev, Prezidentin köməkçisi Əli Həsənov, həmçinin DİN-nin, MTN-nin və Baş Prokurorluğun rəhbər şəxsləri. Ən maraqlısı və bəlkə də gülməlisi budur ki, o, bu şər-şəbədələrinə “Təzadlar”ı da calaq edir, barəmizdə “Avropa və Paris standartları”na uyğun böhtan və şantajlarını dövriyyəyə buraxıb.
Hətta bu ağıldan kəm adam daha uzağa gedərək tanınmışların şəkillərini montaj etdirərək üzərinə özünün adına və səviyyəsinə layiq təhqirli ifadələr yazır, onları “əclaf” adlandırır... Yəqin yeri gəldikcə, bəlkə də lap elə indinin özündə ondan soruşmaq lazımdır ki, cənab Abdullayev, əclaf kimdir: minlərlə gənci aldadaraq onların həyatını zəhərə döndərən, dələduzluq edərək onların on milyonlarla dollar pulunu mənimsəyib Fransaya qaçan, yoxsa bu dələduzluğun anatomiyasını yazan bir qəzet, yaxud onun əməkdaşları, bu dələduzluğu Azərbaycan Cinayət Məcəlləsinə ifadə edən nazir, Baş Prokuror, müstəntiq???
Əslində, bu yazını məhz dövlətin KİV-ə Dəstək Fondundan hər il yüz min manatlarla qrant alan KİV-lər yazmalı idi. Amma niyə yazmırlar, yaxud yaza bilmirlər, bunu deyə bilmərəm. Amma etməlidirlər. Doğrudur, yalan və böhtana cavab vermək bəzən onu “hörmətə mindirib” daha da ictimailəşdirmək deməkdir. Lakin nəzərə alın ki, E.Abdullayev özünün facebook səhifəsində nəinki şər və böhtan atır, o, artıq son vaxtlar ölkənin birinci şəxsini, onun ailə üzvlərini və qohumlarını, həmçinin yuxarıda adını çəkdiyim və çəkmədiyim dövlət qurumları rəhbərlərini xüsusilə ağır cinayətlərdə ittiham edir, təhqirlərə yol açır. Bəzən elə ifadələr işlədir ki, bunu dilə gətirmək belə mümkünsüzdür. Belə şərçiyə cavab verilməyəndə isə o, özünü haqlı tərəf kimi təqdim etməyə həvəslənir.
İndi də daxili işlər naziri Ramil Usubova şər atma xəstəliyi...
Amma mənim üçün bir məsələ hələ də qaranlıq qalır: necə olur ki, dolanışıq çətinliyi səbəbindən qonşusunun toyuğunu oğurlamış vətəndaşı dərhal tutub içəri basır, məhkəmə qurur, həbsxanaya atırlar, barəsində CM-nin 5 maddəsi ilə cinayət işi olan, İnterpol xətti ilə beynəlxalq axtarışa verilmiş şəxs isə sığındığı ölkədə Azərbaycan haqqında cinayətlərin baş alıb getdiyi ölkə rəyi formalaşdırır, anti-təbliğatla... məşğul olur. Və bu adama güldən ağır söz deyilmir, həbsinə cəhd olunmur! E.Abdullayevdən qorxub-çəkinmənin səbəbi nədir görəsən?!
Dünən isə onun facebook səhifəsində və E.Abdullayevin maliyyə dəstəyi ilə yaradılmış “Avropanın səsi”, “Ədalətsizlik.com” adlı saytlarda daxili işlər naziri Ramil Usubovun barəsində bir yazıya rast gəldim. Yenə də dəxli olmadığı halda, “Təzadlar”ı bəzi dövlət qurumlarının tribunası kimi təqdim edir keçmiş ABU rektoru. Başından ayağına kimi ciddi həkim müayinəsinə və müalicəsinə ehtiyaclı olan bu adam sadə bir məntiqi nəzərə almır ki, hökumətin birbaşa tabeliyində olan KİV-ə Dəstək Fondundan bir qara qəpik yardım almayan, nəşriyyata külli miqdarda borcunu ödəyə bilməyən bir qəzet hansısa dövlət qurumlarının necə tribunası ola bilər??? Əgər o, bizim vicdan və ədalətə söykənən, onun şər və böhtanlarına qarşı cavab yazımızı nəzərdə tutub bu sərsəm və bisavad məntiqini ortaya qoyursa, deməli, Rusiya Təhsil Nazirliyi “Təzadlar”ın adi bir sorğusu əsasında komissiya yaradıb E.Abdullayevin doktorluq işini saxta olması səbəbindən ləğvini çox yerində edib.
İndi isə keçək mətləbə. E.Abdullayev son yazılarından birini “Ramil Usubovun ailə biznesi” adlandırıb (Ümumiyyətlə, onun nazir Usubov barədə böhtan xarakterli belə yazıları artıq silsilə xarakteri alıb). Böhtan və yalan üzərində qərar tutmuş sonuncu yazısında E.Abdullayev nazir Ramil Usubovu qohumbazlıqda ittiham edir, nazirin DİN-də çalışan bir neçə qohumunu “irad tutur”, şər və böhtana köklənmiş bu fikrini əsaslandırmaq üçün “Korrupsiya haqqında” Qanunun 7-ci maddəsini dilə gətirir. Nəhayət, “...2005-ci ildə “Qara kəmər” əməliyyatı nəticəsində həbs edilən qanqster Hacı Məmmədov olayında Ramil Usubov niyə istefaya getmədi?” deyə sual edir.
Elşad Abdullayev özünün “ailə podratı”nı unudubmu?
Bu yerdə məşhur bir atalar sözü yada düşür: “Öz gözündə tiri görmür, başqasında tük axtarır”.
Bəlkə də çoxları bilmir ki, rüşvət yuvası olan ABU yarandığı gündən “ailə podratı” ilə idarə olunub və burada bu “ailə podratı”nın bütün iştirakçıları saxta tələbə qəbuluna yaşıl işıq yandırırdılar. Nəticədə bəzi kütbeyin gənclər onların gələcəyini düşünməyən valideynlərinin təhriki ilə E.Abdullayevin şikarına çevrilirdi... Əgər kiminsə etirazı varsa, buyursun, korrupsiya yuvası olmuş ABU-nun rektoru Elşad Abdullayevin idarəetmə metoduna diqqət yetirsin: Özü ABU-nun rektoru, qaynatası Hüseyn Əhmədov 1-ci prorektor, qardaşı Mahir Abdullayev prorektor və hüquq fakültəsinin dekanı, E.Abdullayevin yeznəsi Sədrəddin Qədirov ABU-nun prorektoru, E.Abdullayevin qaynı Əhmədov Hümeyir Hüseyn oğlu ABU-nun dekanı, digər qardaşı Eldəniz Abdullayev dekan, digər yaxın qohumları isə ABU-da müxtəlif kafedra müdirləri idilər...
Bəlkə E.Abdullayev bu sətirləri oxuyub daha bir hədyan yazmaq üçün daş atıb, üzr istəyirəm, bir topa saxta diplomu göyə atıb başını tutacaq və deyəcək ki, nə danışırsınız, ABU-da hər şey qanuni olub! Bəli, hamı bilir ki, orada hansı “qanunlar” işləyib!
Yenə də kiminsə etirazı varsa, aşağıdakı siyahını diqqətlə izləsin: Baş Prokurorluq tərəfindən ABU-da aparılan yoxlamalar zamanı məlum oldu ki, təkcə E.Abdullayevin özünün, qohum-qardaşlarının adına çoxsaylı istehsal, xidmət, ticarət və iaşə obyektləri, çoxsaylı torpaq sahələri, mənzillər... və s. var idi. Təbii ki, nə ABU rektorunun babasından ona tonlarla qızıl külçə qalmışdı, nə də E.Abdullayev Novxanıdakı bağında ağac əkəndə oradan qızıl küpələri tapmışdı... Hamısı ABU-ya saxta tələbə qəbulundan gələn rüşvət pullarının sayəsində əldə edilmişdi. Təbii ki, “ailə podratı” ilə idarə olunan ABU-dan yalnız bu məqsədlə istifadə oluna bilərdi. Buyurun, istintaq getdiyi üçün sabiq rektorun, onun ailə üzvlərinin üzərinə həbs qoyulmuş mülk və obyektlərinin siyahısı ilə tanış olun:
1. Abdullayev Elşad İslam oğlunun mülkiyyətində olan obyektlər:
- 28 iyul 2007-ci il tarixdən Bakı şəhəri, Xəzər rayonu, Dübəndi qəsəbəsində yerləşən 26 saylı bağ sahəsi;
- 30 noyabr 1996-cı il tarixdən Bakı şəhəri, Səbayel rayonu, Ş.Şamil küçəsində yerləşən 11 saylı evin 8 saylı mənzili;
- 12 aprel 2003-cü il tarixdən Bakı şəhəri, Binəqədi rayonu, Novxanı qəsəbəsi ərazisində yerləşən 609 saylı bağ sahəsi;
- Bakı şəhəri, 7-ci mikrorayon, Binəqədi rayonu, xarici dairəvi 3123-cü məhəllə, 1604-cü keçid 11-də yerləşən Azərbaycan Beynəlxalq Universiteti;
- “Azmap” MMC;
- “ABU İdman Klubu” İB;
- “Beynəlxalq Məktəbəqədər Tərbiyə Məktəbi”;
- “Beynəlxalq Kollec”;
- “Beynəlxalq Ümumtəhsil Məktəbi”;
- “ERA Hüquqi Xidmət” MMC;
- “ERA-XTM” MMC;
- Kipr Türk Respublikasında yerləşən A-9 saylı evin 1-ci mərtəbəsindəki ticarət obyekti (market);
2. Abdullayev Mahir İslam oğlunun (ABU-da dekan) adına:
- 28 noyabr 1996-cı il tarixdən Bakı şəhəri, Yasamal rayonu, Müşfiq küçəsi, 501-ci məhəllədə yerləşən 8b saylı evin 17 saylı mənzili;
- 12 iyun 1998-ci il tarixdən Bakı şəhəri, Yasamal rayonu, S.Dadaşov küçəsində yerləşən 68 saylı evin 63 saylı mənzil;
- 17 sentyabr 1991-ci il tarixdən Bakı şəhəri, Yasamal rayonu, Krılov (S.Dadaşov) küçəsi, 577 məhəllədə yerləşən 68 saylı evin 62 saylı mənzili;
3. E.Abdullayevin qayınatası Əhmədov Hüseyn Mustafa oğlunun (ABU-nun 1-ci prorektoru) mülkiyyətində olan obyektlər:
- Bakı şəhəri, Səbayel rayonu, F.Əmirov küçəsində yerləşən 1 saylı evin 60 saylı mənzili,
- Bakı şəhər, Sabunçu rayonu, Vişnyovka-1 qəsəbəsi ərazisində yerləşən 1240 saylı bağ sahəsi,
- Bakı şəhəri, Binəqədi rayonu Novxanı qəsəbəsi ərazisində yerləşən 684-p saylı bağ sahəsi,
- Bakı şəhəri, Binəqədi rayonu Novxanı qəsəbəsi ərazisində yerləşən 685-a saylı bağ sahəsi,
- Bakı şəhəri, Yasamal rayonu, M.Seyidov küçəsində yerləşən 10 saylı evin 8 saylı mənzili,
- Bakı şəhəri, Yasamal rayonu, M.Seyidov küçəsində yerləşən 10 saylı evin 7 saylı mənzili,
- Bakı şəhəri, Yasamal rayonu, M.Seyidov küçəsində yerləşən 10 saylı evin 30 saylı mənzili,
- Bakı şəhəri, Yasamal rayonu, M.Seyidov küçəsində yerləşən 10 saylı evin 6 saylı mənzil,
- Bakı şəhəri, Səbayel rayonu, Ş.Şamil küçəsində yerləşən 15 saylı evin 8 saylı mənzili,
- Bakı şəhəri, S.Dadaşov küçəsində yerləşən 90 saylı evin 1 saylı mənzili;
- Bakı şəhəri, S.Dadaşov küçəsində yerləşən 90 saylı evin 2 saylı mənzili;
- “KNF investment” Məhdud Məsuliyyətli Cəmiyyəti;
- “KNF investment” Məhdud Məsuliyyətli Cəmiyyətinin yerləşdiyi Bakı şəhəri, Sabunçu rayonu, Yeni Ramana qəsəbəsindəki 1549 kv.metr torpaq sahəsi və tikililər.
- 16 dekabr 2011-ci il tarixdən Bakı şəhəri, Nərimanov rayonu, Y.V.Çəmənzəminli küçəsində yerləşən 127a saylı evin 57 saylı mənzili,
- 15 dekabr 2006-cı il tarixdən Bakı şəhəri, Yasamal rayonu, M.Rəhim küçəsi, məhəllə 535 ünvanında yerləşən 37 saylı mənzil (1 saylı DNK-nın 28 avqust 2012-ci il tarixli 4Ə-01-159 reyestr nömrəli alqı-satqı müqaviləsinə əsasən Həqkari Firuz Mirverdi oğlunun adına özgəninkiləşdirilmişdir),
- 12 mart 1993-cü il tarixdə Bakı şəhəri, Binəqədi rayonu, 8-ci mkr, S.S.Axundov küçəsində yerləşən 8 saylı evin 36 saylı mənzili (1 saylı DNK-nın, 16 oktyabr 2012-ci il tarixli 4Ə-01-203 reyestr nömrəli alqı-satqı müqaviləsinə əsasən Abdullayev Elman Xuduş oğlunun adına özgəninkiləşdirilmişdir),
- 22 yanvar 2005-ci il tarixdə Bakı şəhəri, Yasamal rayonu, M.Seyidov küçəsində yerləşən 10 saylı evin 5 saylı mənzili (12 saylı DNK-nın 28 aprel 2005-ci il tarixli 4Ə-3-505 reyestr nömrəli alqı-satqı müqaviləsinə əsasən Əliyev Adil Aydəmir oğlunun adına özgəninkiləşdirilmişdir)
4. Abdullayev Elsevər İslam oğlunun (E.Abdullayevin qardaşı, ABU-da dekan) adına:
- 19 sentyabr 2002-ci il tarixdən Bakı şəhəri, Yasamal rayonu, 10-cu Xrebtovı küçəsində yerləşən 23 saylı fərdi yaşayış evi;
- 02 yanvar 1998-ci il tarixdən Bakı şəhəri, Yasamal rayonu, Şərifzadə küçəsində yerləşən 37a saylı evin 9/10 saylı mənzili;
- Şamaxı rayonunun Nağaraxana kəndində 328 inventar nömrə ilə fərdi yaşayış evinə texniki pasportu hazırlanmışdır;
- Şamaxı rayonunun Nağaraxana kəndində 261 inventar nömrə ilə fərdi yaşayış evinə texniki pasport hazırlanmışdır;
- Ailə üzvləri ilə birlikdə onun adına Tovuz rayonu, Alakol kəndində 0,26 ha həyətyanı torpaq sahəsi qeyd edilmişdir,
- Bakı şəhəri, Nəsimi rayonu, S.Vurğun küçəsi 57 saylı ünvanda yerləşən mağaza.
- “ERA GM” Mənzil tikinti kooperativi;
- “AEG Petrol” MMC
5. Abdullayev Elsevər İslam oğlunun adına:
- 25 avqust 2007-ci il tarixdən Bakı şəhəri, Səbail rayonu, Badamdar qəsəbəsində yerləşən 3 y/m yerləşən 842-b saylı torpaq sahəsi;
Bakı şəhəri, Yasamal rayonu, 10-cu Xrebtovı küçəsində yerləşən 23 saylı fərdi yaşayış evi,
- İsmayıllı rayonu Zeyvə kəndində 0,20 ha (reyestr öümrəsi-407013000369; qeydiyyat tarixi-13.10.2006) tikinti təyinatlı torpaq sahəsi vardır.
6. E.Abdullayevin qardaşı Abdullayev İsmayıl İslam oğlunun (Bakı şəhər Vergilər Departamentinin işçisi) mülkiyyətində olan:
- 09 yanvar 2007-ci il tarixdən Bakı şəhəri, Yasamal rayonu, S.Dadaşov küçəsində yerləşən 20 saylı fərdi yaşayış evinin 2/3 hissəsi;
- 25 avqust 2007-ci il tarixdən Bakı şəhəri, Sabail rayonu, Badamdar qəsəbəsi, - 3-cü y/m yerləşən 842a saylı torpaq sahəsi;
- 09 iyul 1999-cu il tarixdən Bakı şəhəri, Yasamal rayonu, Müşfiq küçəsi, 501-ci məhəllədə yerləşən 8b saylı evin 19 saylı mənzili;
- 24 fevral 1999-cu il tarixdən Bakı şəhəri, Yasamal rayonu, Müşfiq küçəsi, 501-ci məhəllədə yerləşən 8b saylı evin 1 saylı mənzili;
- 03iyul 1998-ci il tarixdən Bakı şəhəri, Sabunçu rayonu, Nardaran qəsəbəsində yerləşən 593ç saylı bağ sahəsi;
- Bakı şəhərində avtomobillərə texniki xidmət sahəsi,
7. E.Abdullayevin bacısı oğlu Mürsəliyev Araz Oqtay oğlunun mülkiyyətində olan:
- Bakı şəhəri, Yasamal rayonu, Ələkbərov küçəsi 547-ci məhəllədə yerləşən 1 saylı mənzil;
- Bakı şəhəri, Sabunçu rayonu, Nardaran qəsəbəsində yerləşən 25a saylı bağ evi,
8. E.Abdullayevin yeznəsi Qədirov Sədrəddin Gülbala oğlunun (ABU-nun prorektoru) və ailəsinin mülkiyyətində olan:
-08 avqust 2012-ci il tarixdən Bakı şəhəri, Nərimanov rayonu, Atatürk prospekti ünvanında yerləşən 23/25 saylı evin 53 saylı mənzili (notarius Hüseynov Əli Abdulhüseyn oğlu tərəfindən bağlanmış 4-Ə-04-718 reyestr nömrəli 23 avqust 2012-vi il tarixli alqı-satqı müqaviləsinə asasən Mehdiyeva Xəyalə Fərman qızının adına özgəninkiləşdirilmişdir),
-18 iyul 1998-ci il tarixdən Bakı şəhəri, Suraxanı rayonu, Günəşli qəsəbəsi, “V” y/m ünvanında yerləşən 30 saylı evin 53 saylı mənzili (Bakı şəhər Məhkəməsinin mülki işlər üzrə Məhkəmə Kollegiyasının 3-7 saylı 1999-cu il tarixli qətnaməsinə əsasən qeydiyyat ləğv olunmuşdur).
-26 sentyabr 1998-ci il tarixdə Bakı şəhəri, Yasamal rayonu, Şərifzadə küçəsində yerləşən 88 saylı evin 24 saylı mənzili (19 saylı DNK-nın 3m2/287 reyestr öümrəli 09 dekabr 1998-ci il tarixli bağışlama müqaviləsinə əsasən Qədirova İlahə Sədrəddin qızının adına özgəninkiləşdirilmişdir),
-16 yanvar 1999-cu il tarixdə Bakı şəhəri, B.Bağırov küçəsində yerləşən 9 saylı evin 58 saylı mənzili (12 saylı DNK-nın 3m-l-74 reyestr nömrəli 22 fevral 1999-cu il tarixli bağışlama müqaviləsinə əsasən Qədirova Elnurə Sədrəddin qızının adına özgəninkiləşdirilmişdir),
- 18 dekabr 1991-ci il tarixdən Bakı şəhəri, Şahbazi küçəsində yerləşən 99 saylı evin 33 saylı mənzili qeydiyyatdan keçmişdir.
9. Abdullayeva (Şahməmmədova) Gültəkin Şamil qızının adına (Mahir Abdullayevin həyat yoldaşı)
- 11 oktyabr 2007-ci il tarixdən Bakı şəhəri, Yasamal rayonu, Ələkbərov küçəsində yerləşən 13 saylı evin 18 saylı mənzili;
- 22 noyabr 2007-ci il tarixdən Bakı şəhəri, Nərimanov rayonu, Mirbəşir Qasımov küçəsində yerləşən 2 saylı evin 41 saylı mənzil;
- 05 iyul 2008-ci il tarixdən Bakı şəhəri, Yasamal rayonu, İnşaatçılar prospektində yerləşən 20 saylı evin 76 saylı mənzil;
- 16 oktyabr 2004-cü il tarixdən (əsaslarda təvəllüd göstərilməmişdir) Bakı şəhəri, Yasamal rayonu, Z.Xəlilov küçəsində yerləşən 26 saylı evin 83 (4 otaq) saylı mənzili;
10. Əhmədov Hümeyir Hüseyn oğlunun (E.Abdullayevin qaynı) adına:
-28 noyabr 2008-ci il tarixdən Bakı şəhəri, Nərimanov rayonu, Bakıxanov küçəsində yerləşən 66 saylı evin 4 saylı mənzili dövlət reyestrində qeydiyyatdan keçmişdir və hal-hazırda mülkiyyətlərindədir.
11. İbrahimov Sənan İzzət oğlunun adına:
-22 may 1996-cı il tarixdə Bakı şəhəri, Nəsimi rayonu, Tağızadə küçəsində yerləşən 52 saylı evin 55 saylı mənzil;
-12 dekabr 1990-cı il tarixdən Bakı şəhəri, Binəqədi rayonu, 7-ci mkr ərazisində yerləşən 24 saylı evin 15 saylı mənzili (26 saylı DNK-nın 10 yanvar 1996-ci il tarixli 3ma-24 reyestr nömrəli alqı-satqı müqaviləsinə əsasən Cəfərova Bahar Abbas qızının adına özgəninkiləşdirilmişdir);
12. E.Abdullayevin bacısı oğlu Mürsəliyev Anar Oqtay oğlunun mülkiyyətində olan:
-Bakı şəhəri, Yasamal rayonu, Mirəli Seyidov küçəsində yerləşən 3 saylı evin 7 saylı mənzili və sair və ilaxır.
***
İndi bir sadə suala cavab istərdim: bu qədər əmlakı (bunlar rəsmi olaraq onların adına sənədləşdirilənlərdir, başqalarının adına olanları istintaq müəyyənləşdirməkdədir) hansı yolla əldə etmək mümkün olardı: bir-iki qohumu ali təhsilinə və ixtisasına uyğun olaraq DİN-də işə götürməklə, yoxsa kütləvi surətdə saxta tələbə qəbulu ilə məşğul olan ABU-da “ailə podratı” yaratmaqla???
Yəqin ki, sualı təkrar etməyə ehtiyac yoxdur. Çünki cavabı ən azı ona-buna şər atıb “bulanıq suda balıq tutmaq” arxayınçılığı ilə baş girləyən Elşad Abdullayevə çoxdan məlumdur... Amma şəxsən mənə hələ də məlum deyil ki, Azərbaycanın hüquq mühafizə orqanları niyə barəsində Beynəlxalq axtarış verilmiş, haqqında Azərbaycan CM-nin 5 ağır maddəsi ilə cinayət işi açılmış Elşad Abdullayevi tutub istintaqa təhvil vermirlər???
Asif Mərzili-tezadlar.az
