"Bayırşəhərin yuxarı məhəllələrini xəritədən silmək şübhəsiz ki, yuxarıların qərardır. Ən azından Bakı şəhər İcra Hakimiyyətinin Nəzarət və Təftiş şöbəsinin müdiri Zülfəli İsmayılovun səviyyəsində verilıən bir qərar. Hər halda qərarı o verib və hələ də onun verdiyi qərarı geri oxudan KİMSƏ YOXDEUR. Yəni bu özbaşınalığı - tariximizə edilən qəsdi durduran şəxs yoxdur... ZÜLFƏLİ isə iş başındadır..." "DİA-AZ" xəbər verir ki, bu barədə etiraz edən sakinlərin müraciətində deyilir.

Narazı vətəndaş daha sonra belə davam edir:

"Ona görə də bu mövzuda danışmalı olan rəsmi şəxslər və qurumlar susurlar.

Bakının tarixi zonasının bir hissəsini sökməkdə əsl məqsədin nə olduğunu həmin qərarı verən dar çevrə bilir. Biz isə ehtimallar əsasında fikir yürüdə bilərik:

1. Bayırşəhərin yuxarı məhəllələrində bir-birini tanıyan, sıx münasibət quran və təşkilatlanmağa meyilli əhali yaşayır. Belə toplumları parçalamaq - ictimai nəzarət və müqaviməti zəiflətmək məqsədi güdülə bilər;

2. Tarixi məhəllələr şəhər kimliyi və şəhər yaddaşının daşıyıcısıdır. Bu məhəllələri sıradan çıxarmaq - yerli əhalini keçmişindən ayırmaq, gələcək nəsillərin yaddaşını silmək cəhdi ola bilər;

3. Tarixi məhəllələrdə torpaq sahələrinin qiymətləri çox yüksəkdir. Sökülən ərazilərdə gələcəkdə biznes layihələri ortaya çıxa bilər;

4. Bayırşəhərin yuxarı məhəllələri “qarmaqarışıq” və ya “Şərq üslublu”dur. Son illər qərbsayağı şəhərsalma nümunələrinin təqlid edildiyi Bakıda bu ərazinin də “qloballaşdırılması” düşünülə bilər..."

Təbii ki, bunlar hamısı ehtimaldır. Real olan isə iki məsələ var:

1. Bakı gözgörəsi MƏHV EDİLİR...

2. Zülfəli gözgörəsi SƏRVƏT TOPLAYIR...

Təbii ki məhv edilmiş gözəl Bakımızın xarabalıqları üzərindən...