Yasamal rayonu, 7-ci Alatava, bina 64, ev 33 sakini Kərimova Fərqanə Zakir qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi bildirir ki, Yasamal rayonunda yerləşən 308 saylı məktəbin direktoru Təranə Məmmədovaya rüşvət vermədikləri üçün oğlu Kərimov Emil Cavid oğluna attestat verməyib:
“Mən, Kərimova Fərqanə Zakir qızı, yazaraq xahiş edirəm ki, müraciətimi dərc edəsiniz.
Bildirim ki, artıq hara, kimə şikayət edcəyimi bilmirəm. Çünki rüşvətxor direktor Elm və Təhsil Nazirliyi tərəfindən qorunur.
Qeyd edim ki, oğlum Kərimov Emil Cavid oğlu Yasamal rayonunda yerləşən 308 saylı orta məktəbi bitirib. Buraxılış və blok imtahanında iştirak edib. Amma direktor Təranə Məmmədovanın istədiyi məbləği verə bilmədiyimiz üçün oğluma attestat verilmədi.
Ali məktəbə ixtisas seçiminə daxil olan zaman bildirildi ki, “siz ixtisas seçiminə buraxılmırsız, səbəb isə təhsil sənədinin təsdiq olunmamasıdır”.
Direktor 10-11 ci siniflərdən hər il üçün 1000 manat pul alırdı. Bu, 2 ilə 2000 manat edir. Pul verməyən bütün şağırdlərin həyatını bu formada qaraltdı. Mənim övladım da təhsil hüququndan məhrum edildi.
Onu da deyim ki, bu məktəbdə summativlər də pul qarşılığında yazılır. Əgər pul verməsən, şagird dərsdə olduğu halda qayıb qoyulur.
Bütün şikayətlərə baxmayaraq, Elm və Təhsil Nazirliyi bu hadisəyə don geyindirməyə çalışır. Tək mənim uşağımın yox, bir neçə uşağın təhsil hüququ bu cür qanunsuzluqla əllərindən alınıb. Bir neçə dəfə müdafiə olunan direktorun növbəti səhvi zamanı səs yazısı ortaya çıxdı. Artıq onu qoruyan, bütün səhvlərini ört-basdır edən şəxs ona kömək edə bilmir. Belə ki, direktor işdən azad edilir. 15 gün qabaq “məktəbdə rüşvət halı yoxdur” deyən nazirlik bu dəfə onu rüşvətlə işdən çıxarır.
Uşaq məktəbə gedəndə “nəyə gəlmisən, pul verməsən qiymət yazılmayacaq” sözünü açıq-aşkar deyirdi. Oğlan uşaqlarını alçaldırdı. Hərbi xidmət üçün “Ağ kağız” istənildikdə belə, sənədə yazırdı ki, dərsdən sonra ofisiant işləyir.
Oğlumla bərabər tanıdığm 4 şagirdə də attestat verməyiblər.
Kimsəyə sirr deyil ki, savadsızlıq, rüşvət, hegemonluq - hamısı belə direktorların işlədiyi məktəblərdə baş verir. Çıxdı getdi, yığdığını rahat-rahat yeyəcək. Olan mənim kimi valideynlərə olur. Çünki nazirlik biz valideynlərə inanmır. Yalnız sosial media üçün sübut verəndə tədbir görülür.
Nazirlik tərəfindən göndərilən saxta məktubu da sizə göndərirəm”.
