" "Madeyra"... məlum məsələdir ki, "Embawood"la eyni şirkətdir. Ömür boyu "Embawood"dan vətəndaşlar daimi narazılıq edib, lakin sizin marketinq satış şöbəniz görünür düzgün işləmir ki, problemlər günü-gündən arta-arta davam edir". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımda giley olunur.
Narazı vətəndaş daha sonra bildirir: "6 ay öncə mebel almışam, daha doğrusu, məcbur aldım. Təcili mebel almalı idim. 5 gün ayrı-ayrı ustalar gəldi, quraşdırdı. İndi də tökülə-tökülə gedir...
"Qaynar xətt"ə zəng etmişəm, operator işindən xəbəri yoxdur... nömrə deyirəm... mebel alanda qeydiyyatdan keçən başqa adam adı deyir və s...
Neyniyək? Antiinhisar və İstehlak Bazarına Nəzarət Dövlət Agentliyi şikayət edək? Millətin canını boğazına yığmayın da... O boyda pullar qazanırsınız, özünüzü də inkişaf etdirin də... Marketinq şöbənizi təlimlərə cəlb edin də... Müftə maaş alırlar!!!"
