Ötən həftənin sonunda Parisdə Ukrayna nümayəndə heyətinin Fransa, Böyük Britaniya və Almaniyadan olan diplomatik və təhlükəsizlik müşavirləri, daha sonra isə Fransa Prezidenti Emmanuel Makron və ABŞ dövlət katibi Marko Rubio ilə görüşləri olub.
Aşkar məsələlərdən biri budur ki, bu, amerikalılar, avropalılar və Ukrayna arasında müharibənin bir masa arxasında diplomatik yolla həlli üzrə diplomatik təmasların ilk rəsmi mərhələsidir. Və bu, Vaşinqtonun Rusiya diktatoru Vladimir Putinin nə Ukraynanı, nə də Avropanı prosesə buraxmadan “ikimiz arasında qərar vermək” şıltaqlığından açıq şəkildə uzaqlaşmasıdır.
Üstəlik, bu, çox güman ki, ABŞ Prezidenti Donald Trampın rusların “vaxtını dayandırması” və “atəşkəs” danışıqlarının çox güman ki, pozulması ilə bağlı məyusluğundan qaynaqlanır.
Nəticədə, ABŞ dövlət katibi Marko Rubionun son iki bəyanatı var. Birincisi, ABŞ bunun əlçatmaz bir məqsəd olduğunu görsə, Ukraynada sülhə nail olmaq səylərindən əl çəkməyə hazırdır: “Yaxın günlərdə sülhün mümkün olub-olmadığını müəyyən etməliyik. Mümkün deyilsə, ABŞ-ın başqa prioritetləri var və onun üzərində işləməliyik”. İkincisi, Avropanın Ukraynada müharibənin dayandırılmasına mühüm töhfə verə biləcəyidir. "Böyük Britaniya, Fransa və Almaniya bizə kömək edə, işləri irəli apara və həll yoluna yaxınlaşdıra bilər. Mən onların ideyalarını çox faydalı və konstruktiv hesab edirəm", - deyə Rubio vurğulayıb.
Bu nə demək ola bilər?
Əgər bu baş verməsə, görünür Vaşinqton ABŞ Prezidenti Donald Trampın bu qədər öyündüyü atəşkəs razılaşması ilə əlaqəli olmadan Ukraynada Avropanın çəkindirici qüvvələrinin yerləşdirilməsi planına qarşı deyil.
Nəticə etibarı ilə, Avropa və Ukrayna üçün son məqsəd (əgər bu ssenari reallaşarsa) ABŞ-ın, ilk növbədə, müdaxilə etməməsini (nə Avropanın, nə də Ukraynanın yolunu kəsməməsini) təmin etməkdir. İkincisi, ən azı, Avropa və Ukrayna qüvvələrini kəşfiyyat məlumatları ilə təmin etməyə davam edə bilərlər.
Verilən daha bir vəd isə belədir: Rusiya yola gəlməsə, onun üçün çətin olacaq. Çünki razılaşmamaq o deməkdir ki, təhlükə böyükdür. Söhbət NATO və yaxud ABŞ-ın Avropadakı hərbi obyektlərinə birbaşa təhlükədən gedir.
Müəllif: Taras Jovtenko – Ukraynalı təhlükəsizlik eksperti.
Mənbə: UNİAN
Tərcümə AYNA.AZ-a məxsusdur.
Müəllif: Ayna.az
