Müğənni Təranə Qumral TikTok sosial şəbəkəsində açdığı canlı yayım zamanı bəzi izləyicilərə əsəbiləşməsi ilə diqqət çəkib.

Milli.Az xəbər verir ki, həyat yoldaşı Musa ilə romantik anlarını paylaşan sənətçi, bunu qısqanclıqla qarşılayan izləyicilərə sərt reaksiyasını gizlətməyib.

Təranə Qumral bildirib ki, ailəsində huzur olmayan insanların başqalarının xoşbəxtliyinə dözümsüz yanaşması təəccüblü deyil.

Canlı yayımda səsləndirdiyi fikirlərdə müğənni normal ailə modelindən danışaraq qeyd edib ki, sağlam münasibətlərdə ər və arvad arasında birlik və qarşılıqlı anlaşma olur. Onun sözlərinə görə, bəzi ailələrdə bu birlik yoxdur və məhz buna görə də bu gündədirlər.

Təranə Qumral çıxışında onu tənqid edənlərin və qısqananların paxıllıq etdiyini vurğulayıb, bu cür münasibətin səbəbinin şəxsi ailə problemlərindən qaynaqlandığını deyib:

"Ay yazıqlar, dağınıqlar... Ailəsində huzuru olmayanlar, sizə çox yazığım gəlir. Siz çox istərsiniz ki, Musa kimi ər yanınızda olsun, sözünüzlə oturub-dursun. Normal ailələrdə görmüşəm ki, ər nə deyir, qadın onu deyir, qadın da nə deyirsə, ər onu deyir.

Birliyi olmayan ailələr var, heç bir sözü də keçmir. Əriniz üzünüzə baxmır deyə, o gündəsiniz, ay yazıqlar. Buna görə belə edirsiniz. Bilmirsiniz ki, əriniz kimin yanındadır. Paxıllığınızdan ölürsünüz, ölün".

Müğənninin emosional açıqlamaları sosial şəbəkələrdə geniş müzakirələrə səbəb olub. Bəzi izləyicilər onun mövqeyini dəstəkləsə də, digərləri sərt ifadələrdən istifadə etməsini tənqid ediblər.