"Azərbaycan Respublikası Əmək Məcəlləsinin Maddə 15. bəndində deyilir ki, Əmək qanunvericiliyinə əməl olunmasına dövlət nəzarətini həyata keçirən orqan Dövlət Əmək Müfəttişliyi Xidmətidir! Sabah ilin son günüdür. SOCAR AQŞ rəhbəri cənab Samir Mollayev işçilərin əmək haqqını ödəmədi!" "DİA-AZ" xəbər verir ki, bunu öz sosial şəbəkə hesabında tanınmış hüquq müdafiəçisi, Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı qeyd edib.

NHMT sədri daha sonra fikirlərini belə davam etdirir: "Üç aydır ki, işçilərin ailəsini maddi cəhətdən çətin duruma salan Samir Mollayev... sizə müraciət edirəm! Uşaqlarına bayram süfrəsi aça bilməyən işçilər arzu edirlər ki, Allah sizi və ailənizi ( o cümlədən ölkə qanunvericiliyini pozduğunuz halda sizi cəzasız qoyanları) də onların düşdüyü duruma salsın ki, bəlkə bu halda maddi çətinliyin, ailə qarşısında əlacsiz duruma düşməyin nə olduğunu hiss edəsiniz!

ARƏM maddə 310. -da yazılıb ki, rəhbər işçilər , bu Məcəllə ilə müəyyən olunmuş hüquqları pozmağa görə qanunvericiliklə müəyyən edilmiş qaydada maddi, intizam, inzibati və cinayət məsuliyyəti daşıyırlar.

Azərbaycan Respublikası Əmək Məcəlləsinin 172. 5-ci maddəsi: Əmək haqqının verilməsi işəgötürənin təqsiri üzündən gecikdirildikdə, bu hal fərdi əmək mübahisəsi yaratmayıbsa, hər gecikdirilmiş gün üçün işçiyə onun əmək haqqnln azı bir faizi məbləğində ödənc verilməlidir.

Azərbaycan Respublikası Əmək Məcəlləsinin 178.1-ci maddəsi: İşəgötürənin maliyyə vəziyyətindən asılı olmayaraq işçiyə onun gördüyü işin müqabilində müəyyən edilmiş əmək haqqını bu Məcəllənin 172-ci maddəsi ilə müəyyən edilmiş müddətlərdə ödəməyə borcludur. İşçiyə aylıq əmək haqqının ödənilməməsində təqsirkar olan işəgötürən qanunvericilikdə nəzərdə tutulan qaydada müvafiq məsuliyyətə cəlb edilməlidir.

SOCAR AQŞ” MMC 2007-ci ildə qazma və quyu xidmətləri göstərən birgə müəssisə kimi təsis edilib. Tərəflər və iştirak payları :SOCAR-13.38% , #NobelOilLtd., - 73.77% ,

Abşeron Qazma MMC -12.85%—.."