"Mən burdan xidmət səviyyələri yerlərlə sürünən TƏBİB və əməkdaşlarına dərin təşəkkürümü bildirmək istəyirəm..." "DİA-AZ" xəbər verir ki, bu ironik reaksiya ilə müraciətini başlayan sosial şəbəkə istifadəçisi Agshin Mammadov daha sonra başına gələnləri belə nəql edir:
"Deməli, anam onkoloji xəstədir və dünən axşam təzyiqi düşdü və ürək döyüntüləri eşidilmirdi. 103 xidmətinə saat 19:06-da zəng edərək çağırış etdim. Üstündən 1 saat keçdi gördüm gələn yoxdur, bir də zəng vurdum... dedilər, gəlir. Gördüm yenə gələn yoxdur, anamı həkim məsləhəti ilə evdə özünə gətirdik.
Gecə saat 00:29-da mənə zəng edib deyirlər ki, çağırış vermisiz gələk? Deyirəm xanım saat neçədir və mən neçədə çağırış vermişəm... Deyir, avto qəza və doğuş var idi. Deyirəm, standart, şablon cavabı yığışdırın... bütün maşınları doğuşa göndərmişdiniz? Deyir, Sizə hələ birinci zəng vurmuşuq, sizdən qabaqkı zənglər qalıb hələ.
Dəfələrlə olub... evdə halı pisləşən olub, görmüşəm TY gəlmir, maşına qoyub aparmışam TY-a. Orda isə baxıram ki, maşın da var... həkimlər də içəridə özləri üçün laqqırtı vurur. Deyirəm, niyə gəlmirsiz? Deyir, bizə 103-dən çağırış gəlməyib.
Ya bu operatorlar insan həyatı ilə oynayırlar, ya da ki TY stansiyaları...
Bu arada Səhiyyə Nazirliyinin tabeliyində olanda TY briqadası 15 dəqiqə gec gəəlmirdi çağırışa. Bu TƏBİB-ə keçəndən 1 saatdan sonra yadlarına düşəndə gərək papağımızı ataq göyə..."
