İki ay öncə Naxçıvana yağan güclü dolu və selin vurduğu ziyana görə zərərçəkən fermerlər kompensayiya ala bilmirlər. Təbii fəlakət zamanı Naxçıvan şəhərində, Babək və Şahbuz roynlarının bəzi kəndlərində xüsusi ilə şitillik və meyvə bağları sıradan çıxmışdı. Fəlakətdən iki gün sonra Aqrar Sığorta Fondunun Naxçıvan filialı bildirmişdi ki, yaxın günlərdə qiymətləndirilmə aparıldıqdan sonra zərəçəknlərə tezliklə kompensasiya veriləcək.

Bir qrup zərərçəkən isə bildirir ki, onlara dəyən ziyan nə qiymətləndirilib, nə də ki onlara kompensasiya ödənib.

Babək rayon sakini N. Qurbanov deyir ki, təbii fəlakətdən sonra yalnız bəzi kənlərdə dam örtüklərinə dəymiş ziyan qismən ödənib. Onu da hərkəsə yox, yalnız yuxarıda adamları olanlara. Əkin sahələri və avtomobillərə dəymiş ziyan isə, ümumiyyətlə ödənməyib:

“Birinci dəfə deyil. Fəlakət hər zaman olur. Sığorta verməyəndə zəhləmizi töküb, məcburi pulumuzu alırlar. Lakin, təbii fəlakət nəticəsində dəymiş ziyanı heç vaxt kompensasiya etmirlər. Maraqlanan belə yoxdur. 2 hektarda əkdiyim şitilliklər, 50-dən artıq göycə, ərik ağaclarını dolu tamamilə məhv etdi. Bütün meyvələri vurub yerə tökmüşdü. Yığıb mal-heyvana verdik. Tanışlıqla bəzi adamların dam örtüyünə dəymiş ziyanı qiymətləndirib, gediblər. Hələ onlara da doğru-dürüst köməklik edilməyib. Şikayətə də baxan yoxdur. Çox danışanda da polislə hədələyirlər.”

Naxçıvan şəhər sakini Z. Quliyev də dolu nəticəsində təsərrüfatına dəymiş ziyanın ödənməməsindən şikayətlənir:

“Dolu 20-a yaxın göycə ağacımı, çoxlu sayda ərik və gilas ağacımı məhv etdi. Həyətimi su basıb şitilləri məhv etdi. Demək olar ki, ailənin illik keçimini məhsul satmaqla ödəyirdim. Ən azı 10 min manat ziyanım var. Xərc çəkib, şitillikləri bərpa etdim. Amma, məhv olan göycələri bərpa etmək mümkün deyil. Maraqlanan olmadı. Dedilər gəlib baxıb, yazacağıq. Aqrar sığorta fonduna müraciət də etmişik. Hələ də bir xəbər yoxdur. Avtomobillərlə də maraqlanan yoxdur. Sadəcə sığortası olanların dam örtüklərinə güya ki, kompensasiya ödəyirlər. Bunu da danışıqlarla edib, kütləvi pul silirlər. kimə kimdən şikayət edəsən.”