"Şikayətim "Kontakt Home"-dandır". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Resid Ibrahimov adlı istifadəçi gileylənir.
Narazı vətəndaş daha sonra başına gələnləri belə nəql edir: "2023-cü ildə "Kontakt Home" mağazasından "Beko" markalı kondisioner almışam. Təəssüf ki, keçən il kondisioner işləmədiyinə görə mağazanın öz rəsmi ustası gəlib baxış keçirdi. Lakin səhvən cihazın 940 qram qaz tutduğunu nəzərə almadan ona 2 kq-dan çox qaz vurdu. Bu isə texniki baxımdan ciddi səhvdir və kondisionerin sıradan çıxmasına səbəb olub.
Bu il kondisioneri sökərkən problemi aydın şəkildə gördük və 1 həftədən çoxdur ki, Kontakt Home-a dəfələrlə şikayət etmişik (hər dəfəsində evdə 5 aylıq uşağın olmasını vurğulamışiq). Lakin cavab olaraq bildirirlər ki, guya bizim barəmizdə “məhkəmə qətnaməsi var” və xərcləri biz ödəməliyik. Halbuki bu problem mağaza ustasının texniki səhlənkarlığı səbəbilə baş verib və mən 500 AZN-dən çox maddi ziyana düşmüşəm.
Ən acınacaqlısı isə odur ki, Kontakt Home əməkdaşlarından biri müştəri ilə kobud və hörmətsiz davranıb, lakin mağaza bu barədə heç bir tədbir görməyib!
Bu kimi halların təkrarlanmaması və digərlərinin də belə haqsızlıqla qarşılaşmaması üçün məsələni ictimaiyyətə çatdırıram. Hörmətli Kontakt Home, bu məsuliyyətsiz davranışınıza son verin və məsuliyyəti öz üzərinizə götürün!.."
