İnformasiya və təhsil sahəsində texnologiyanın rolu getdikcə artır. Xüsusilə veb platformalar vasitəsilə cəmiyyətin maarifləndirilməsi və biliklərin çatdırılması böyük əhəmiyyət kəsb edir.
Türk Dövlətləri Təşkilatının (TDT) rəsmi veb-saytı artıq bütün üzv ölkələrin ana dillərində istifadəyə verilib. Bu barədə TDT-dən bildirilib. “Türk Dövlətləri Təşkilatı (TDT) rəsmi veb-saytının artıq bütün üzv ölkələrin ana dillərində istifadəyə verildiyini məmnuniyyətlə elan edir”,-deyə qeyd olunub.
Bu baxımdan, TDT-nin bütün türk dillərində istifadəyə verilən rəsmi veb-saytı mühüm addəm kimi dəyərləndirilir.
AMEA Türk xalqlarının fəlsəfi fikir tarixi və müasir fəlsəfəsi şöbəsinin müdiri, dosent Faiq Ələkbərli Sherg.az-a açıqlamasında TDT-nin rəsmi veb saytının bütün türk dillərində istifadəyə verilməsinin çox yaxşı hal olduğunu qeyd edib:
"Hər bir türk xalqı öz dilində cəmiyyətini maarifləndirməlidir. Türk dövlətlərinin öz ana dilindən istifadə edənlər nümayəndələri üçün belə bir veb saytının olması böyük əhəmiyyət daşıyır. Bunun sayəsində həm ortaq türkcəmiz inkişaf edəcək, həm də hər bir türk xalqı öz dilini gücləndirəcək və cəmiyyəti ana dilində maarifləndirəcək. Bu iki istiqamət bir-birini tamamlamalıdır. Bu sahədə atılan addımlar xeyirə və faydalıdır".
