Ukrayna həm Ukrayna ordusunun özü, həm də Qərb tərəfdaşları üçün “döyüş laboratoriyasına” çevrilib. DİA.AZ bildirir ki, bu fikri Britaniyanın müdafiə naziri Ben Uolles “Sky News”a açıqlamasında bildirib.
Nazir qeyd edib ki, ukraynalılar və onların qərbli müttəfiqləri rus işğalçılarına qarşı mübarizə aparmaq üçün yeni silah və texnologiyaları sınaqdan keçirməlidirlər. Uollesin sözlərinə görə, “yaşamaq həvəsi” ukraynalıları müttəfiqlər tərəfindən təklif olunan yeni silah və modifikasiyaları sınaqdan keçirmək üçün sülh dövrü norma və qaydalarından imtina etməyə məcbur edib.
Nazir qeyd edib ki, bu, Ukraynanın müttəfiqlərinin özləri üçün də sərfəlidir: “Onlar risk götürməli və işləyib-işləmədiklərini bilmədikləri silahları sınaqdan keçirməli idilər. Ukrayna ukraynalılar və Qərb üçün “döyüş laboratoriyası”na çevrildilər və bu, bizə yol göstərdi. Baş verən şəraitə görə təəssüflənirəm. Amma Ukrayna 21-ci əsrdə döyüş meydanında necə fəaliyyət göstərmək lazım olduğunu göstərir”.
“Sky News” Rusiya-Ukrayna müharibə cəbhəsinə təcili olaraq göndərilməli olan eksperimental silaha misal olaraq nəşr “Wolfram” reaktiv yaylım atəş sistemini göstərib. “Sky News” qeyd edir ki, Rusiyanın Ukraynaya hücumunun əvvəlində britaniyalı silah ustaları “Brimstone” tank əleyhinə raketinin Ukrayna reallıqlarına uyğunlaşdırıla biləcəyi ilə maraqlanıblar. Bu raketlər heç kimin Ukraynaya təhvil verməyəcəyi Britaniya təyyarələri və dronlarından buraxılmaq üçün nəzərdə tutulub. Buna görə də, bu raketlər üçün Ukraynada ön cəbhədə çox olan adi bir yük maşını əsasında buraxılış qurğusu yaratmaq qərara alınıb.
"Bir həftəsonu ərzində “Toyota” avtomobili, portativ elektrik generatoru, borc götürülmüş noutbuk və bəzi ağıllı kompüter kodlarının köməyi ilə onlar bir konsepsiya hazırladılar. Bir neçə həftə ərzində raket Ukraynada döyüş meydanında idi", - “Sky News” yazıb.
“Brimstone” raketləri Ukraynada
Keçən ilin aprelində Britaniya Ukraynaya özünün “Brimstone” yer-hava raketlərini tədarük etdiyini açıqlamışdı. Bir ay sonra Britaniya mətbuatı həvəslə yazıb ki, bu raketlər o vaxtlar ən yüksək həddə olan Donbass uğrunda döyüşün gedişatını dəyişib.
Bundan sonra ingilislər dəfələrlə Ukraynanı müxtəlif modifikasiyalı bu raketlərin yeni partiyaları ilə təchiz ediblər. Raket ilk növbədə təyyarələrdən istifadə üçün nəzərdə tutulsa da, düşmənin güclü hava hücumundan müdafiə sisteminə malik olduğu Ukrayna müharibəsinin reallıqları onlardan istifadənin hava üsulunu praktiki olaraq istisna edir.
AYNA
