DİA.AZ: - Neçə müddətdir ki, DİA.AZ olaraq bir sahibkarıln intihar həddinə çatdırılması ilə bağlı ortada olan şübhəli məqamları araşdırmaqdayıq. Qeyd edək ki, bu məsələdə kiafyət qədər ciddi məsələləri də qabarda bilmişik. Elə bunun nəticəsidir ki, oratada olan və cavablanması mütləq olan suallara normal reaksiya vermək əvəzinə qarşı tərəf kimi görünən “Biləcəri Təmir-Quraşdırma” QSC-nin sədri Nazim Tahirov cəanbalrı əsəblərini cilovlaya bilməyərək bizlərə böhtan atmaqla məşğuldur.
Bir intiharın tarixçəsi...
Söhbət 16 saylı İnşaat-İstehsalat Təsərrüfat Trestinin rəhbəri olmuş Yusif Təvəkkül oğlu Nəsirovun keçən ilin fevral ayının 26-da intihar etməsindən gedir. Bildirək ki, kifayət qədər uğurlu bisnesmen kimi tanınan Yusif Nəsirovun 2014-cü ildən etibarən rəsmən çökdürülməsi və açıq şəkildə dələduz şəbəkəsini tələsinə düşməsi faktı nəhayətdə bu adamı bir insan üçün ən ağır hesab olunan qərara vadar edir: İNTİHAR...
DİA.AZ olaraq yazmışdıq ki, özünün buna qədərki ayrı-ayrı instansiyalara, habelə məhkəmə orqanlarına etdiyi müraciətlərində mərhum Yusif Nəsirov açıq şəkildə “Biləcəri Təmir-Quraşdırma” QSC-nin sədri Nazim Tahirov tərəfindən aldadıldığını iddia edirdi. Və bu zaman biz qarşı tərəf olaraq Nazim Tahirov cənablarının fikirlərini də təqdim etmişdik. Qeyd edirdik ki, Nazim Tahirov əksini söyləməklə yanaşı, əlində olan qaimə-fakturalardan tutumuş, ayrı-ayrı məhkəmə qərarlarına, müraciətlərə qədər təqdim edir. Təbii ki, bütün bunlar onun iddialarıdır, iddia etdikləridir.
Yeri gəlmişkən, Nazim Tahirov dünən mediaya açıqlama verərək bizə qarşı da ittiham irəli sürüb. Və bizi hansısa MTK ilə bağlamağa cəhdlər edib. Təbii ki, bütün bunlar ağ yalandır. Amma “Biləcəri Təmir-Quraşdırma” QSC-nin şefinin tədirginliyini nəzərə alaraq həmin MTK ilə bağlı da aralarındakı münasibətləri araşdırmaq qərarına gəlmişik. Bunu isə cənab Tahirovun özü şəxsən istəmiş oldu...
O, bizlərə xitabən yazır: "Cənab jurnalistlər, sizin hər birinizə bir böyük kimi zəng vurub məsləhət görmüşəm ki, belə ciddi bir məsələyə dair yazı yazanda qarşı tərəfin sənədlərini öyrənməli idiniz. Yazandan sonra mənə zəng vurub görüşmək istəməkdə niyyətiniz nədir? Bunu əvvəldən etməli idiniz".
Amma Nazim müəllim də bilir ki, bu vaxta qədər ittiham etdiyi media quruluşlarında yalnız onun mövqeyi ifadə olunub. Söhbət bizi də əlaqələndirməyə çalışdığı MTK ilə davasından gedir. Yəni burada gözünün içinə qədər yalan danışan “Biləcəri Təmir-Quraşdırma” QSC-nin şefinin zəng məsələsinə gəlincə isə, ilk başdan biz ona zəng etmişdik və özü də bu intihar məsələsi barədə bir kəlmə belə yazmadan. Amma nədənsə Tahirov cənabları bizə rədd cavabı verdi və bildirdi ki, onun öz meiası var və istədiyi fikirlər yetərincə işıqlandırıldığlndan əlavə hansısa sayta açıqlama vermək fikrində deyil.
Nə etməli idik? Cənab Tahirovun ayaqlarına düşüb yalvarmalı idik? Təbii ki, biz sırf peşə etikamızın tələblərinə və KİV haqqında qanuna uyğun olaraq əldə etdiyimiz məlumatları, ortada olan şüvhəli məqamları paylaşdıq. Bunadan sonra isə “Biləcəri Təmir-Quraşdırma” QSC-nin şefinin ta kəndisi bizə zəng etdi. Bu dəfə nədənsə onun fikir bildirməsi zərurəti yaranmışdı. Biz də razılaşdıq və onu dinlədik. Son yazımızda da (http://www.dia-az.icu/5/195619-bileceri-temir-qurashdirma-qtsc-nin-sedri-stntaq-nece-yoneldb.html) onun fikirlərini də təqdim etdik.
Amma bu adam yenə də bizlərə qarşı böhtan atmaq qərarını verdi. Çünki biz yalnız onun üçün həqiqət olan iddiaları ilə yanaşı ortalıqdakı şübhələri də vurğulamışdıq. Və bu materialımız görünür tam hədəfə çatması səbəbindəndir ki, Nazim Tahirov cənabları bizləri məhkəmə ilə hədələyir. Biz də təbii ki, ilk başdan bu hədəsinə adekvat reaksiya vermişdik. Yəni ADAM NƏ DURMUSAN?
Biz yaxşı başadüşürük ki, Nazim Tahirov bu vaxta qədər məhkəmələr hesabına haqsız mövqeyini dəfələrlə ifadə etməyə çalışıb. Amma yekunda uduzan tərəf onun özü olub və bundan sonra da belə olacaq.
İntihar edən SAHİBKARIN SÖYLƏDİKLƏRİ...
İndi isə gələk, Nazim Tahirov cənablarını əndişələndirən, çilədən çıxaran intihar həddinə çatdırılma faktına. Ortada kifayət qədər ciddi əsaslar və dəlillər var ki, bütün bu faktlar həqiqətən də hüquq-mühafizə orqanları tərəfindən ciddi şəkildə araşdırlmalıdır. Çünki burada söhbət bir insanın həyatının necə cəhənnəmə çevrilməsindən gedir. Bununla bağlı əlimizda olan sənədlərdən birindən (Nazim Tahirov israrla bizdən sənəd tələb edirdi, bu da sənəd -red.) 5 yanvar 2017-ci il tarixdə 16 saylı İnşaat-İstehsalat Təsərrüfat Trestinin rəhbəri olmuş Yusif Təvəkkül oğlu Nəsirovun Bakı Apellyasiya Məhkəməsinə etdiyi müraciət var. Bəri başdan qeyd edək ki, mərhum bu müraciəti intihar etməmişdən düz bir ay əvvəl yazıb. Hər halda bu məqam da istintaqçıların diqqətini cəlb etməlidir. Yəni intihar həddinə çatan bir insan hansı psixioloji vəziyyətə hansı səbəblərdən çatdırılıb... Bu məqamın aydınlaşması üçün elə mərhumun öz imzası ilə mhəkəməyə etdiyi müraciətə nəzər salmaq yetərlidir ki, ƏSL HƏQİQƏTİ üzə çıxarasan...
16 saylı İnşaat-İstehsalat Təsərrüfat Trestinin rəhbəri olmuş Yusif Təvəkkül oğlu Nəsirov Bakı Apellyasiya Məhkəməsinə müraciətində net şəkildə vurğulayır ki, o, Nazim Tahirov tərəfindən aldadılıb:
"Belə ki, qətnamənin qəbul edilməsində (söhbət Yusiv Nəsirovun Nazim Tahirova borclanması iddiasından gedir -red.) “Biləcəri Təmir-Quraşdırma” QSC-nin rəhbəri Nazimin məni aldatması olmuşdur".
Daha sonra Yusif Nəsirov açıq şəkildə bildirir: "Nazim Tahirov mənə bildirdi ki, Rusiyadakı zavod borclarını yenə tələb edir. Bu dəfə təklif etdi ki, sənin şirkətini verim məhkəməyə, qətnamə çıxarım, göndərim oraya. Mən razılaşdım. Məhkəmə qərarından apellyasiya və kassasiya şikayətləri vermədim. Qətnamə qüvvəyə minəndən sonra şirkətə icra vərəqəsi göndərildi. İlk əvvəl bunu formal tələb kimi başa düşdüm. Daha sonra tələbin ciddi-ciddi həyata keçirilməsini görəndə aldadıldığımı başa düşdüm".
Hə, cənab Tahirov! Hər halda, özünüz da razılaşarsınız ki, heç də dərin hüquqi savad olmadan məhz bu ifadələr yetərlidir ki, bir intihar edən şəxsin bir ay əvvəlki sarsıntılarını tam ciddi səbəb kimi qəbul edib, barəsində hüquqi qiymət verəsən.
Təbii ki, araşdırmalarımız bundan sonra da davam edəcək. Və Tahirov cənablarına söz veririk ki, onun qalmaqal yaşadığı MTK ilə münasibətlərinə də gələcəyik. Yəqin ki, bu istiqamətdə də narahatçılıqları olmamış deyil. Hər halda, hazırki əndişələrindən belə anlaşılır.
Sonda: Yenə də qapılarımız onun fikirləri üçün açıqdır. Əgər əlavə nələrisə söyləyə bilirsə, izahatları varsa, buyursun: ÇÜNKİ QARŞI TƏRƏFİ DİNLƏMƏK BİZİM PEŞƏ BORCUMUZDUR! Necə ki, dinləmişik də... yenə də dinləməyə hazırıq.
