DİA.AZ: - "27 aprel 2021 ci ildə nəhayət ki DTX Şəmkir rayon icra hakimiyyətində əməliyyat keçirdi. İcra hakimiyyətinə girməzdən bir neçə dəqiqə əvvəl isə 15 gün idi Şəmkir rayon Təhsil Şöbəsinə müdir təyin olunmuş Qüdrət Əliyevi xidməti iş otağından hər kəsin gözü önündə, qolu qandallı gətirdi icra hakimiyyətinin inzibati binasına. Burada Alimpaşa Məmmədovla üzləşmədən sonra Qüdrət Əliyev və digərləri sərbəst buraxıldı. Lakin bu o demək deyil ki, azad buraxıldılar. Təbii ki, Azərbaycan hüquqi dövlət olduğu üçün hər kəs öz əməlinin cavabını verəcəkdir". Bu barədə DİA.AZ-a göndərilən məqalədə deyilir.
Məqaləni bəzi ixtisarlarla təqdim edirik: "27 iyul 1983 cü ildə Şəmkir rayonunda anadan olan Qüdrət Əliyev Gəncə Dövlət Universitetinin Tarix fakültəsini bitirib. Tələbəlik illərində Ata Quşçuluqda işləyən Qüdrət Əliyev, dayısı bir zamanlar Şəmkir şəhərinin icra nümayəndəsi işləmiş Çingiz Həsənovun vasitəsi ilə, Fazil Məmmədova yaxınlaşa bilmişdir. Nəzərinizə çatdıraq ki, Çingiz Həsənov və Qüdrət Əliyev Fazil Məmmədova qohumluq əlaqələrindən istifadə edərək, həm siyasi həm maddi güc toplaya bildilər. Bu əlaqələrin davamı olaraq, Qüdrət Əliyev 2007-2008 ci illərdə Şəmkir rayon icra hakimiyyətində işlə təmin olundu. Ardınca isə Qüdrət Əliyevin ulduzu parlamağa başladı. 2008-2013 cü illərdə Şəmkir rayon Mədəniyyət və Turizm Şöbəsinə rəhbərlik edən Qüdrət Əliyev mədəniyyət sahəsində 1 cə sözlə ifadə ediləcək bir iş görə bilmədi. Həmin illərdə büdcənin aşan daşan vaxtlarından istifadə edərək, Qüdrət Əliyev sözün əsl mənasında varlandı. Təbii ki, varlandıqca artıq vəzifə hərisliyi də artırdı. Və həmin məqam yetişdi. 2013 cü ildə Şəmkir rayon icra hakimiyyəti başçısının 1 ci müavini təyin olunmaqla, həm siyasi güc, həm varlanmaq imkanlarını genişləndirdi. Fikir verin, 1983 cü il təvəllüdlü şəxs, 30 yaşında Şəmkir kimi strateji rayonun 1 ci müavini...
Qüdrət Əliyev keçirdiyi bütün iclaslarda, görüşlərdə karyerasının məhv Quşçuluq fabrikindən başladığını ona görə xüsusi qeyd edir ki, onu dinləyənlərə özü haqqında arayış verir.
Alimpaşa Məmmədovun 2014-2021 ci illərdə Şəmkir rayonuna rəhbərliyi dövrü Şəmkir tarixində biabırçl tarix kimi həkk olundu. Həyat yolu tamadalıqdan başlamış Alimpaşa Məmmədovu, Şəmkirdə təlxək, çılğın, yalnış qərarlar verən, kökündən yalnış, savadsız, qabiliyyətsiz kadrları vəzifəyə təyin edən, beləliklə idarəetməsi asanlaşan şəxs kimi xatırlayırlar. Bu işlərin arxasında isə Qüdrət Əliyevin əl-qolunun açılması, varlanması təbii hal kimi qiymətləndirilməlidir. Şəmkir şəhərinin mərkəzində saysız-hesabsız qeyri-qanuni tikintilərə Alimpaşa Məmmədovu razı salan məhv Qüdrət Əliyev idi. Bu işlərin fonunda Qüdrət Əliyev artıq hiss edirdi ki, Fazil Məmmədova xəyanət etmiş Alimpaşa Məmmədovun qapısını gec ya tez DTX əməkdaşları döyəcəkdir.
Həmin ərəfələr Şəmkirin başqa bir dərdi də var idi. Uzun müddət Şəmkir rayon Təhsil Şöbəsinə rəhbərlik edən, 69 yaşlı Məcid Şıxlinski Şəmkir cəmiyyətini məhv etmişdi. Məcid Şıxlinskinin öz övladından 2 yaş kiçik, yəni 1983 cü təvəllüdlü Firuzə İmanova adlı xanımla ailə qurması, Şəmkir ziyalılarında, sadə insanlarında ikrah hissi oyatmışdı. 2016 cı ildən isə Təhsil Şöbələrinin nəzdində Ərazi Maliyyə Hesablaşma Mərkəzlərinin yaradılması ilə, Təhsil kimi böyük büdcəsi olan bir sahə, yeyinti sahəsi Alimpaşa Məmmədovun əlindən çıxmışdı. 2018 ci ildə bu yaradılmış Ərazi Maliyyə Hesablaşma Mərkəzinə Şəmkir rayon icra hakimiyyətinin baş mühasibi Vüqar Muradovu təyin etdirməklə, Alimpaşa Məmmədov təhsil büdcəsinə ayağını açmağa nail olmuşdur. 2020 ci ildə Məcid Şıxlinski ilə müqavilə artırmaq zamanı yetişəndə, Alimpaşa Məmmədovun və Qüdrət Əliyevin planın baş tutması üçün məqamı yetişdi. Çox ehtiyyatla Məcid Şıxlinskini rayon təhsil şöbəsinin müdiri vəzifəsindən, yaşa görə səbəbi ilə uzaqlaşdıraraq, Əhməd Cavad adına şəhər məktəbinə direktor göndərdilər. Fikir verin, 69 yaşında yaşa görə işdən çıx və böyük məktəbə yenidən direktor təyin olun... MARAQLI DEYİLMİ ?!
Əsl problemlər də elə bundan sonra başladı. Alimpaşa Məmmədov Qüdrət Əliyevin pul yığmaq, insanları şantaj etmək qabiliyyətinə yaxın bələd olsa da, onun elmi savadını görə bilmirdi. Düşünürdü ki, əsas olan Məcid Şıxlinskini işdən azad etməkdir. Qüdrət Əliyev 4 dəfə Təhsil Nazirliyində aidiyyəti şöbələrdə qəbullarda olsa da, heç birindən müsbət rəy alıb, Təhsil Şöbəsinin müdir təyinatına müsbət rəy ala bilmirdi. 6 aydan artıq bu işə sözün əsl mənasında zülm çəkən Alimpaşa Məmmədov bütün əlaqələrini işə salaraq, Emin Əmrullayevin həssas yerini tutaraq, öz arzusuna çatdı. Və bununla da Şəmkir cəmiyyətinin məhvi yolunda yekun addımını atmış oldu.
Amma tanrı Şəmkir rayonundan hələ tam üz döndərməmişdi. DTX əməkdaşlarının ayıq-sayıqlığı nəticəsində Şəmkir məhv olmaqdan xilas olmaq ərəfəsindədir. Qüdrət Əliyev müəyyən müddət sakitləşsə də, pulu azaldıqca yenidən fəaliyyətə başlayır.
RƏŞAD TAĞIYEV ÜÇÜN QEYDLƏR:
Rəşad Tağıyev Şəmkirə icra başçısı təyin olunandan sonra Qüdrət Əliyev yenə əlaqələrini işə salaraq, təzə başçı ilə əvvəlki başçı kimi əlaqələrini qurmağa çalışdı. Nəzərə alsaq ki, 2007-2013 cü illərdə Rəşad Tağıyev Fazil Məmmədova məxsus Ata Holdinqdə çalışıb, yaxın qohumu Mahir Rəfiyev Fazil Məmmədovun tələbə yoldaşı, sonralar isə müşaviri vəzifəsində çalışıb, Qüdrət Əlievə elə də çətin olmadı Rəşad Tağıyevəkanal yaratmaq. Ancaq 2021 ci ilin son günlərində daha bir əlamətdar hadisə Şəmkirin imdadına yetişdi. Ölkə Prezidentinin sərəncamı ilə Təhsil Şöbələri Regional İdarələrə çevrildi və iqtisadi zonaya əsasən, Şəmkir rayonu tabe oldu Qazax-Tovuz Regional Təhsil İdarəsinə. İndi hər kəs həyəcanla və maraqla, Regional İdarənin mərkəzi hansı rayonda olacağını gözlədiyi halda, Qüdrət Əliyev icra hakimiyyətində yarımçıq qaldığı işlərini davam etdirir. Belə ki, sərəncamın 2 ci hissəsində göstərilir ki, körpələr-evi uşaq bağçaları Regional Təhsil İdarələrinin tabeliyinə verilir. Sərəncamın tam icra olunmasına başlanılmamış Qüdrət Əliyev bağça müdirlərini toplayaraq, bu gündən etibarən icra hakimiyyətinə çatacaq “sənədlərin” bundan sonra birbaşa onun özünə çatdırılmasının tapşırığını vermişdir. Burada təbii ki heç bir qeyri-adi məsələ yoxdur. Çünki zamanında hər bir bağça müdiri təyinatının arxasında Qüdrət Əliyev dayanaraq, kimdən nə qədər nə alındığını çox dəqiq bilirdi.
Yaxın günlərdə DTX Şəmkir əməliyyatı işinin istintaqını yekunlaşdıraraq, işi məhkəməyə təqdim edəcəkdir. Hər kəsin də gözlədiyi budur. Qüdrət Əliyevlə bağlı məhkəmənin verəcəyi qərarın nəticəsinə uyğun olaraq, Şəmkirdə insanlar öz gələcək həyatlarını yaşayacaqdır".
İddia olunanlarla bağlı diaaz.space olaraq bütün maraqlı tərəflərin mövqelərini işıqlandırmağa hazırıq...
