RAUF HƏBİBOVUN YOLDAŞININ İŞARƏ ETDİYİ “QUBALILAR” KİMƏ BAĞLIDIR?
DİA.AZ: - Qubanın əhali tərəfindən qovulmuş başçısı Rauf Həbibovun həyat yoldaşının media.forum saytına verdiyi müsahibədə maraqlı bir məqam var idi. Xanım deyir ki, “Siz qubalılar deyirsiniz, amma bilirsinizmi ki, oradakı 10 maşından 9-u Bakıdan getmə idi".
Xanımın bu sözləri bir çox şübhəli məqamlardan xəbər verir. Qubaya “10 avtobusdan 9-unu göndərən” kim(lər) olub və nə məqsədlə?
Bakı-Quba, Bakı-Xaçmaz reyslərində işləyən avtobusların hamısı “Uğurlu yol” MMC şirkətinə məxsusdur. “Uğurlu yol”un əsl sahibi isə Hafka adlı şəxsdir. Deyilənə görə, Hafka son vaxtlar güc qurumlarından birinin “spesnaz”ına sponsurluq edir.
Mənbənin DİA.AZ-a verdiyi məlumata görə, ”Uğurlu Yol” şirkəti respublikanın avtovağzallarında Nəqliyyat naziri Ziya Məmmədovun və onun oğlu Anar Məmmədovun adindan istifadə edirlər. Guya “Uğurlu Yol” şirkətinin bütün qanunsuz əməllərinə ata və oğul icazə veriblər. Ancaq bu yaxınlarda ”Uğurlu Yol”un pərdə arxasında olan direktoru Sadığa başa salıblar ki, ata və oğulun adında istifadə etmək sizi uğura deyil, uğursuzluğa apara bilər. Bunu eşidən Sadıq qorxusundan özününkülərə tapşırıb ki, “ata-oğul” söhbətini yığışdırın.
Apardığımız araşdırmalar nəticəsində məlum oldu ki, “MTRANS” şirkətinin prezidenti Rövşən müəllim dindar, halal və çörək verən adamdır, vaxtı ilə o özü avtovağzalda oturanda belə bir problemlər baş verməyib, bir də mənbənin bildirdiyinə görə Rövşən müəllim Sadıxın havadarı ilə dost olduğu üçün onun sözünə yox deyə bilmir. Həmin adamı da qızışdırıb bu oyuna salan Sadıqdır, oyunun da adı belə adlanır. “Azərbaycan nəqliyyatı “Uğurlu Yol” şirkəti tərəfindən zəbt olunmalıdır”. Avtovağzalın müdiri Qasım müəllim MTRANS şirkətinin qarajının müdiri Xasay müəllimdən xəbərsiz, Bakı-Şəmkir “9:30” reysli marşrutu “Uğurlu Yol” şirkətinə hədiyyə edib. Avtovağzaldakı mənbənin məlumatına əsasən çox söz-söhbətdən sonra “MTRANS” şirkətinin qarajının müdiri Xasay müəllimin Sadığa axırıncı sözü belə olub ki, “Sadıq, biz hələ səninlə “9:30” un söhbətinə qayıdacagıq”. Məlumatda bildirilir ki, Sadığın “Tempa” avtobusları 3 gün bir marşrutda işləyir, avtovağzalın da müdüriyyəti görür ki, avtobuslar “Tempa”dır, ancaq 3 gün tamam olan kimi, baxmayaraq ki, müqavilə bağlanıb “Tempa”yla həmin ad dönür olur “Hunday”. Hazırda Gəncə-Ekspresin marşrutlarından “Tempa” avtobusları çıxarılaraq Bakı-Şəmkir marşrutuna verilib. Mənbənin sözlərinə görə, “Tempa” və “Hunday” avtobuslarının kartları Bakı-Bərdə, Bakı-Tərtər olsa da həmin avtobuslar Bakı-Gəncə-Şəmkir reyslərində işləyirlər. Yeri gəlmişkən, “Hunday əhvalatı” adlanan bir məsələni diqqətinizə çatdırmaq istəyirik. Təxminən 2 ay əvvəl Bakı-Astara reysində işləyən 17 nəfərlik Ford markalı marşrut avtobuslarını “Uğurlu Yol” şirkəti reysdən çıxararaq, yerinə 24 nəfərlik Hunday avtobuslarını salmaq istəyirdi, ancaq Ford markalı marşrut avtobuslarının sürücülərinin kəskin etirazından sonra “Uğurlu Yol” bu oyunu həyata keçirə bilmədi. Mənbə bildirir ki, “Uğurlu Yol”un yaratdığı problemə görə, 45 nəfər sürücü bir yerə yığışaraq etiraz aksiyası keçirib, Bakı-Masallı yolunu bağlayıblar. Əgər hüquqları bərpa olunmasa Azərbaycan vətandaşlığından imtına edərək, İran vətandaşlığını qəbul edəcəklərini söyləyiblər. Ancaq məsələ lazımi orqanlara tez çatdırıldığına görə, problem operativ şəkildə öz həllin tapıb, yəni “Uğurlu Yol”un səhvi aradan qaldırılıb.
İndi isə Gəncədə baş verən hadisəyə diqqət yetirək. Bu işlərdə adı keçən Gəncə Ekspres qarajının müdiri Mehman Həsənov qarajın reysinin 4 marşrutunu 80000 manata “Uğurlu Yol” şirkətinə satıb.
Gəncə - Bakı reysində “Sönməz” və “Qəssaboğlu” adlanan avtobusların sahibi Bilal Qurbanov bildirir ki, Sadıq müəllim Mehman Həsənovla gizli və saxta əlaqəyə girərək bu marşrutları 80 min manta bizim əlimizdən alıb. Mən Sadıq müəllimlə Bakı avtovağzalında görüşəndə o, mənə bildirdi ki, ay Bilal, gedin ağlınızı başınıza yığın, mən sizin marşrutları zor gücü ilə almamışam, 80 000 manat pul verib Mehman Həsənovdan almışam. Sonra Sadıq mənə dedi ki, gedin suallarınızı Mehman Həsənova verin. Mehman Həsənov isə bizə hədə-qorxu gəldi ki, gedin başınızı soxun kömanıza, başınızı qaldırsanız hamınızı soxduracam içəri. Bu sözləri mən Mehman Həsənovdan eşidəndən sonra məcbur oldum Prezident Aparatından nümayəndə gətirdim Bakı avtovağzalına, ancaq o da kömək edə bilmədi, daha doğrusu, Sadıq Prezident Aparatından gələn nümayəndədən güclü oldu.
Bilal Qurbanov bildirir ki, bu məsələdə həm “Uğurlu Yol” şirkəti, həm də Mehman Həsənov günahkardır. Çünki birinin 70 000 manat Gəncədə borcu olub, o birinin isə mənim kimi 4-avtobus sahibini nəqliyyat sistemindən birdəfəlik uzaqlaşdırmaq fikri olub.
Digər məlumata görə, “Uğurlu Yol” şirkəti Bakı-Astara marşrutunda çalışan Hacı Feruz adlı sahibkara məxsus 3 marşrutu da onun əlindən alıb. Çox şikayətlərdən sonra marşrutun biri Hacıya qaytarılıb, 2-si isə “Uğurlu Yol”a qalıb.
Hazırda marşrut sahibləri “Uğurlu Yol”un əməlləri ilə bağlı mətbuat konfransı keçirməyə, ölkə başçısına müraciət etməyə hazırlaşırlar.
