DİA.AZ "Təzadlar" qəzetinin elektron poçtuna göndərilmiş aşağıdakı yazını təqdim edir:
Saytların İlqar Mehmetoğlunu Gülən təriqətinin ”SOCAR-Türkiyə”də qorxunc, vacib, qaranlıq adamı kimi təqdim etdiyi müxtəlif sərlövhəli yazılarda"qaranlıq adam” deyimi diqqətimizi bir az da çəkdi. Düzü, bu qədər geniş və rahatca QARANLIQ işlərə sahiblik edənin adının olduğu kimi səslənməsi bizim üçün məsələnin olsa-olsa bir tərərfi idi. Digər səbəb isə Azərbaycan Respublikasının xaricdəki ən böyük sərmayələrinə rəhbərlik edənlərlə bir sırada dayanan "SOCAR”-ın Türkiyədəki törəmə şirkəti "SOCAR Turkey Energy”-nin İnsan Qaynaqları Departamentinin rəhbəri, ”Energy of Turkey” dərgisinin Baş redaktoru (Genel yayın yönetmeni), ”STEAŞ”-in məsul redaktoru (Sorumlu Yazı İşleri Müdürü) və redaksiya heyətinin üzvü (Yayın Kurulu), ”SOCAR TURKEY”-nin Məsul Yazı İşləri Müdiri (Məsul Yazı İşləri Müdiri) və başqa titulları qazanmış İlqar Mehmetoğlunun ictimaiyyətə çox az tanıdılması, hətta tanıdılmaması onun haqqında "QARANLIQ ADAM” imicini bir daha möhkəmləndirmiş olur. Hətta bu günə kimi onun birgə çalışdığı və yaxın olduğu adamlar belə İlqar Mehmetoğlunun fəaliyyətləri bir yana, avtobioqrafiyasından belə xəbərsizdirlər. Oda ki, ola ictimaiyyət...
Bu barədə bir az sonra... Hələlik isə, son günlərdə türk mediasında yayılan xəbərlər sırasında"Fətullah Gülən 8 cinayətdə iddiham olundu” xəbəri gözlənilən olsa da, çoxlarını şoka saldı. Ankara Cümhuriyyət Baş Prokrorluğu Fətullah Gülənin ABŞ-dan ekstradisiyasına dair hazırladığı sənədlərə əsasən,Gülənin 8 cinayətə görə Turkiyəyə qaytarılmasını tələb edir. Sənədlərdə Fətullah Gülənin "dələduzluq”,"rəsmi sənədləri saxtalaşdırmaq maddəsi”, "böhtan", "cinayət yolu ilə əldə edilən pulların yuyulması", "mənimsəmə”, ”danışıqların dinlənməsi və qeyd edilməsi”, "şəxsi həyatın gizliliyini pozma” və "şəxsi məlumatları hüquqa zidd olaraq qeyd etmək” cinayətlərini törətdiyi qeyd edilir.
Xəbəri oxuyan kimi yadıma bəzi təhqiqatlarımızdan yana əməlinə-işinə az çox bələd olduğum,”SOCAR Turkey Energy” şirkətin insan qaynaqları deparmentinin rəhbəri, Gülən məktəbinin siravı məzunlarından olmayan İlqar Mehmetoğlu düşdü. Miq.az olaraq biz onun ünvanına bu ittihamları aid etmək fikrində də deyilik. Amma və lakin...Fətullahçılar sırasında İzmir imamı adlandırılan, "SOCAR Turkey Energy" şirkətinnin insan qaynaqları deparmentinin rəhbəri İlqar Mehmetoğlunun tale yolundakı bəzi oxşarlıqlar belə bir fikri yaratmış oldu.Vaxtı ilə İzmirdəki fəalliyyətləri dövründə Gülən hərəkatının kifayət qədər çiçəkləndiyi vaxtlar əslində Fətullah Gülənin də yüksəliş illəri hesab edilə bilər. Zamanında düşməni Egey sularına qərq edən İzmir Gülənə o vaxtlar ilham və güc verdi. İlqar Mehmetoğlu da bu estafeti məhz İzmirdə qəbul edib qazananlardan və sonralar da şərəflə daşıyanlardan oldu. Hələ təhsil illərində savadı, elmi bilikləri və istedadı ilə başqalarından seçilməsə də, hizmət çocuğu kimi başqalardan ciddi bir şəkildə seçilə bildi. Ən nəhayət gülənçilərin İzmir imamı olan İlqar Mehmetoğlunun "SOCAR Turkey Energy” şirkətinin insan qaynaqları departamentinin rəhbəri kimi mühüm bir vəzifəyə irəli çəkilməsi onun əməli fəaliyyətinin təsdiqi oldu. Məhz İlqar Mehmetoğlunun planları əsasında Gülənçi olmayanlara qərəzli münasibət ortaya qoyuldu. Ən azı Azərbaycanın Milli Qəhrəmanı Alı Mustafayevin oğlu Tural Mustafayev kimi gənclərin işdən uzaqlaşdırılması bunun sübutu deyilmi?
Gülənin "dələduzluq", "rəsmi sənədləri saxtalaşdırmaq maddəsi”, ”böhtan”, ”cinayət yolu ilə əldə edilən pulların yuyulması”, "mənimsəmə”, ”danışıqların dinlənməsi və qeyd edilməsi”, "şəxsi həyatın gizliliyini pozma” və "şəxsi məlumatları hüquqa zidd olaraq qeyd etmək” kimi hallarda İlqar Mehmetoğlunun payına düşənlərin ona "təntənəli təqdimatın” zamanı da uzaq deyil...
Kanada planının deşifre olunması İlqar Mehmetoğluna daha nələri deyir?
İlk olaraq fikrimdən keçən də bu oldu ki, bu xəbəri alanda İlqar Mehmetoğlu görəsən nə düşündü? Ola bilsin ki, ”Pensilvaniyada qaçış bileti” xəbərini eşidəndə bu barədə düşünüb də...Türkiyə dövlətinin israrla qaytarmasını istədiyi və Amerikada küncə sıxışdırılan feto lideri Fətullah Gülənin qaçmağı planlaşdırdığı Kanada planının deşifre olunması İlqar Mehmetoğluna daha nələri deyir? Kanada Miqrasiya Xidmətinin (İmmiqration and Reffugee Boart of Canada-İRB) hazırladığı sənəddə göstərilənlər də paralel yapını hər cür hiyləyə müraciət etdiyini bir daha ortaya qoyurmu?
"Fətullahçılar dövlətin silahı ilə dövlətə qarşı vuruşurlar"
Hər cür hiylə isə cəmiyyətin bütün sahələrində onların həyat tərzi və məramı olaraq qalmaqdadır. Bu günlərdə Türkiyənin bir çox yerində kəşfiyyat qurumları, başda İstanbulun əhəmiyyətli liseyləri olmaqla FETÖ-nun məktəblərdə nəql oyununu ortaya çıxardı.Tədris dövrünün tamamlanmasına az gün qaldığı bir zamanda Feto məktəblərinin rəhbərlərinin, öz məktəblərini 12-ci sinfində şagirdlərdən bəzilərini bütün dərslərdən 100 bal verərək məktəb birincisi edib, dövlət məktəblərinə nəql etdirdiyi və buradan məzun olmalarını təmin etdikləri ortaya çıxdı. Ola bilsin bu faktın yaxından-uzaqdan İlqar ilə əlaqəsi yoxdur, amma İlqarın hansı bir çetenin təkcə üzvü yox, həm də rəhbərlərindən olduğunu yaddan çıxarmamaq üçün bəs edir.
Əbəs yerə deyil ki, Türkiyə dövləti bu təriqətin terror örgütü olduğunu sübut edir və PKK ilə bir sıraya qoyur. Vaxtı ilə "MİT tırları”nın gizlinlərindən mətbuata danışan Adana valisi (indi Sakarya valisi) sayın Hüseyn Avni Coş kürd terrorçuları ilə gülənçilərin olsa-olsa bircə fərqinin olduğunu açıqlayırdı: "Kürd terrorçuları müxtəlif güclərdən pulla aldıqları silahlardan istifadə edilərsə, fətullahçılar dövlətin silahı ilə dövlətə qarşı vuruşurlar."
İndi kimin daha təhlükəli olduğunu isbat etməyə ehtiyac varmı?
Hər halda "Axşam” qəzetinə danışan ABŞ-lı məşhur jurnalistWayne Madsenin Gülənin 50 senator dəstəyi ilə ABŞ-da qalmağa davam etdiyini,ancaq hər ehtimala qarşı Kanada üçün cəhdlərdə olduğu haqqında məlumatları, Pensilvaniyanda demokratiya və aşıqlığa vərdiş etmiş yerli adamların "Türkiyə gəlsin adamını aparsın” çağırışlarından Azərbaycan və Türkiyə ictimaiyyətinin yaxşı tanıdığı, nəfis şəkildə tirajlanan "SOCAR-Türkiyə”nin nəşrlərinə rəhbərlik edən İlqar Mehmetoğlunun xəbərsiz olması mümkün deyil. Amma nə fayda, görünən odur ki, İlqar Mehmetoğlu bunların fərqində belə deyil.
"SOCAR-Türkiyə”yə Zaur Qəhrəmanovun təyinatından sonra bəzi təlaşların ortaya çıxması da ola bilsin burdan doğdu, amma yenə əvvəlki fəaliyyət, əvvəlki dəst-xətt bir az da mükəmməl bir formada hələki davam etdirilməkdədir. Görüntü üçün bəzi addımların atılması olsa-olsa gözlərdən pərdə asmaq kimi bir cəhddir. Hətta İlqar Mehmetoğlu vaxtı ilə qara siyahısında olan Nicat Novruzov üçün hazırladığı yeni vəzifə təyinatı da onun bəzi planlarının mifini gizlədə bilməz. Ən azı ona görə ki, kimliyindən asılı olmayaraq Nicat Novruzov bu kimi etimada lap çoxdan layiq idi, amma adama layiq olduğunu, hansısa maraqlara görə verəndə, təəssüf ki, ancaq ikrah yaradır. Böyük ehtimal var ki, bu gün Nicat Novruzov özü də bu etimada sahib çıxmaq meyilində olmayacaq...
SOCAR Turkey Enerji A.Ş. keçmiş birinci müavini Samir Kərimlinin Bakıya dönüşündən sonraonun müşaviri və SOCAR Turkey Enerji A.Ş. Ticarət meneceri Elxan Həsənovun şirkətdən müəmmalı gedişi hələ ki bir sıra sualları cavabsız qoymaqdadır. Şübhəsiz ki, həttaElxan Həsənov özü açıqlama versə belə, yenə də İlqar Mehmetoğlunun məlum planları bu kimi sualları hələ bir xeyli zamanda cavabsız qoyacaq...
(Davamı var)
