Mühacirətdə yaşayan eks-spiker Rəsul Quliyev Moderator.az-ın aşağıdakı sualını cavablandırıb:
“Rusiyanın bu qədər basqılara rəğmən hələ də ərköyün uşaq kimi davranması, əksinə, daha da azğınlaşaraq əsl ayı kimi davranması dünyaya meydan oxumaq deyilmi? Artıq mülki təyyarənin vurulması həm də açıq-aşkar müharibə üçün əldən-ayaqdan getməsi anlanına gəlmirmi?
Rəsul Quliyev sualı tarixə ekskurs edib paralellər aparmaqla çox geniş cavablandırıb:
“Tarixdə ictimaiyət üçün baş verən faciəli hadisələrin əksəriyyətinin başında millitarizm durur.Əvvəl millitarizmin nə olduğunu anlamaq lazımdır. Ətrafındakı ölkələri işğal edib öz istədiyini zorla qəbul etdirmək üçün millətçilik və ya dindən istifadə etməklə xalqın psixoloju durumunu normal vəziyyətdən çıxarmaq və total şəkildə iradənə tabe etməkdir. Son 4 əsrdə Rusiya militarizmidən ən çox istifadə edən ölkə olub. Birinci Pyotr, birinci Nikolay, Stalin (sosialist sisteminin fetişləşdirilməsi ideyası) militarizmi rus xalqını və qonşularını çox böyük insan tələfatı verməyə düçür edib,baxmayaraq ki, həmişə uduzub. İndi Rusiyanın üfüqlərində yeni bir militarist- cənab Putin peyda olub. Putin son 10 ildə bu günkü imperiya yaratmaq planına başlamaq üçün böyük hazırlıq görüb, 20-ci əsrin militarist вЂ?’dahiləri’’ Hitler və Stalinin ideyalarını dərindən öyrənib və bu işə başlamzdan öncə inqilabı informasiya texnologiyasından istifadə edərək özünün əvəzedilməz şəxs imicini yarada bilib. İntlektual insanların cəmi bir neçə faiz təşkil etdiyi Rusiya Federasiyasında TV-lərdə Qebbels propaqanda metodlarından istifadə edərək faktiki olaraq özünün mütləq rejimini yarada bilib. Krımın işğalından sonra reytinqi 90 faizə qalxmış Putin artıq ayaqlarının altında torpağı hiss etmir. 90 faizin bir adamı dəstəklədiyi cəmiyyət anormal cəmiyyətdir, törədiləcək istənilən cinayətin aktiv iştirakçısı ola bilər. Müqayisə üçün 2-ci dünya müharibəsində faktiki əsas rol oynamış cəmi 300 min insan qurban vermiş prezident Ruzveltin reytinqy 55 faizə, 20-ci əsrin ən böyük siyasətçisi hesab edilən hamıdan çox müharibədə iştirak edən cəmi 500 min insan qurban vermiş Çörçilin 50 faizə, Sosialist sistemini dağıtmış iqtisadiyatda inqilabı reformalar etmiş (reygonomika) prezident Reyqanın reytinqi 58 faizə belə çatmamışdır. Ancaq 40 milyondan artıq (1918-1945) əhalisini məhv etmiş Stalinin reytinqi isə absolyut 100 faiz olub, bununsa ancaq bir- adı var cəmiyyət anormal vəziyyətdədir.
İndi zor gücünə imperiya yaratmaq istəyən 90 faiz reytinqli Putinin qarşısı necə alınacaq, bu insan ən azından 3 Baltik ölkəsindən başqa yerdə qalan respublikaların hamısını Rusiyanın maraq dairəsi elan edib, başqa sözlə, bu regionlarda ağalıq etmək istəyir.
Bu insan ilk növbədə Ukraynaya 15 milyard dollar rüşvət verərək (Bogdan Xmelnitski rüşvətə görə Ukraynanı Polşa ilə yox, Rusiya ilə ittifaqa cəlb etmək faktı və onun rüşvətlə hər şeyi almaq olar mentalı) Avropa İttifaqına girməkdən daşındırmağa cəhd etdi. Ukraynalılar ayağa qalxıb onun planlarını alt -üst etdikdə Krımı işğal etdi. Krımın işğalına görə qərb tərəfindən kifayət qədər etiraza rast gəlməyən Putin Ukraynanın şərqində açıq aşkar, utanmadan separatçılar bayrağı altında partizan müharibəsi təşkil etdi. Ukraynanın şərqində gedən proseslərin bir adı var. Rusiyanın Ukraynaya qarşı aqressiyası. İndiyə qədər statistika dəqiq olmasa da 5 minə yaxın insan həlak olub. Onların təqribən yarısı ukraynalı, yarısı isə rusiyanın vətəndaşlarıdır. Ölən Ukrayna vətəndaşlarınından 80 faizi rus millətindən olan separatçılardır. Rusiyada insanın qiyməti olmadığı üçün 2500 ölü onlar üçün heç bir şeydir. Çeçenistan müharibəsində azı 100 minə yaxın (hər iki tərəfdən) qurban verən Rusiya üçün 2500 insanın Ukraynada həlak olması heç bir əhəmiyyət kəsb etmir. Bir çoxları Ukraynanın bir ovuc separatçıya qalib gəlməməsindən təəssüflənir. Bu əslində belə deyil. 1942-44 illərdə bu regionda partizan hərəkatının qarşısını RF-nın yarısını işğal etmiş almanlar da ala bilmədilər. Terroristlərlərlə müharibə etmək nizami ordu ilə müharibə etməkdən qat- qat çətindir. Əgər Rusiya açıq- aşkar partizan müharibəsi aparmasaydı, Ukraynanın separatçıları ləğv etməyi 1 aydan uzun çəkməzdi.Putin bir həftə bundan öncə , Latın Amerikası səfərindən sonra özünü Hitlerin 1938-ci il Münhen müqaviləsindən (Çexoslovakiyanınm Sudet vilayətinin Almaniyaya verilməsi barədə Fransa və İngiltərənin imzaladığı müqavilədən söhbət gedir) sonrakı eyforiya vəziyyətində hiss edirdi. Hitlerin dünya müharibəsinə başlaması və bütün avropanı işğal etməsi həmin bu sazişdən başlayır. Bu müqavilə ilə əlaqədar dahi Çörçilin dedikləri вЂ?’ʼİngiltərə və Fransa guya müharibənin qarşısını almaq üçün belə bir rüsvayçılığı qəbul etdi, indi onlar rüsvayçılıqla yanaşı müharibəni də aldılar.’’ fikri çin oldu. Aralarında 75 il fərq olmasına baxmayaraq Krımın işğalı Münhen sazişindən sonra Çexoslovakiyanın Sudet vilayətinin işğalı ilə eynidir.O dövrdədə indi olduğu kimi İngiltərə və Fransa Çexslovakiyanın ərazi bütövlüyünün qarantına imza atmışdılar.
Faktiki Avropa İttifaqı Rusiyanın Krımı işğalından sonra sərt sanksiyalar tətbiq etmədi. 1938-ci ildə olduğu kimi yenə Avropanın 2 ən böyük ölkəsi (Fransa və Almaniya) militaristə qarşı yumşaq mövqe tutmaq istədilər.20-ci əsr tarixində hər iki ölkənin bugün belə qüdrətli olmasının səbəbi ABŞ-dır.O faktiki Fransanı 2 dəfə Almaniyanın işğalından xilas edib. 4 yerə parçalanmış Almaniyanın vahid dövlət şəkilində birləşməsini və iqtisadi dirçəlişinidə Amerika edib. İndi hər iki ölkə Amerikanın təsirini Avropada zəiflətmək siyasəti aparırlar.
Fransa və Almaniyanın və onlara qoşulmuş İtaliyanın pozisiyasından ruhlanan Putin artıq strateji işğalçılıq planına yol açılacağına əmin idi. Onun fikrincə Ukrayna ilə müharibədən usanacaq xalq indiki rejimi yıxacaq,maksimum 2 ilə və o öz adamını prezident gətirəcək. İkincisi, yerdə qalan ölkələriŞ o cümlədən Azərbaycanı müxtəlif vasitələrlə Avroasiya birliyinə qatacaq və yenidən 1945-ci il sərhədlərini bərpa edəcək. Ancaq Putinin separatçılarının Rus raketi ilə Malaziya sərnişin təyyarəsini vurması müvəqqəti olsada Putinin planlarını alt- üst etdi. İndi o bu vəziyyətdən çıxmaq üçün yollar axtarır. Atəşkəs üçün canfəşanlıq edəcək. Çox ehtimal o separatçılardan bir ikisini təyyarəni vurmaqda suçluyub həbs etdirəcək yenidən Fransa və Almaniyanın loyal münasibətlərinə nail olmağa çalışacaq.
Avropa Putin aqressiyasına qarşı sərt mövqe tutmasa rüsvayçılıqla yanaşı müharibənidə almış olacaq. Sözsüz ilk növbədə orta asiya ölkələri , Qazaxstan və Azərbaycan bu aqresiyanın qurbanları olacaq, ardınca şərqi avropanın baltik ölkələri,Bolqarıstan, Polşa və sairələri gələcək.
Orta asiya ölkələri və Azərbaycan 20-ci əsrin əvvəllərində olduğu kimi heç bir müqavimət göstərmədən Rusiyanın hegemonluğunu qəbul edəcək. Ən ağır vəziyyətdə Azərbaycan olacaq. Çünki Azərbaycanın sərhədlərində olan ölkələrin heç biri Rus aqressiyasına qarşı çıxış edən deyillər. Xalqın ümidi türk qardaşlarımızadır. Ancaq tarix göstərir ki, Türk höküməti öz maraqlarına görə həmişə Azərbaycanı qurban verməyə hazırdır. Necə ki, 1918-ci ilin aprelində ermənilərin Türkiyəyə olan ərazi iddialarını Azərbaycanın torpaqları hesabına ödədi və bizim bu gün qəhrəman hesab etdiyimiz siyasi xadimlərdə qeydsiz şərtsiz Azərbaycanın Rus imperiyasına qarşı 1806-1828 –ci illərə qədər ölüm dirim müharibəsi aparan qədim İrəvan xanlığını başda İrəvan şəhəri olmaqla ermənilərə peşkaş etdi.1920-ci ildə Azərbaycan hökümətini bolşeviklərə təslim olmağa təhrik etdi. Rusiyanın Krımı işğal etməsinə qarşı hətta Yaponiya çıxdığı halda Türkiyə deklarativ qınamaqdan başqa RF-na heç bir sanksiya tətbiq etmədi. Düşünürsünüz ki, Azərbaycana görə RF ilə üz üzə dayanacaq çox böyük səhvə yol verərsiniz.
Ona görədə Azərbaycan başına çarə qılmalıdır. Birincisi RF ilə əlaqədar apardığı siyasəti maksimum açıq olmalıdır. Açıq elan etməlidir ki, ərazi bötövlüyü bərpa edilməyənə qədər Azərbaycan heç bir ittifaqa girə bilməz,çünki torpaqlarının 20 faizi onun kontrolunda deyildir. Əgər RF onun Avro asiya ittifaqına daxil olmasını istəyirsə ilk növbədə artıq müstəqilliyini itirib faktiki Rusiyanın bir əyalətinə çevrilmiş Ermənistanın qoşunlarını bu ərazilərdən çıxartmalıdır.
Bu siyasət gizli yox açıq aparılmalıdır, bütün beynəlxalq təşkilatlar, qərb ölkələri bunları eşitməlidirlər. Rusların aqressiv planlarının qarşısını almağın yeganə yolu budur. RF Azərbaycanın şimalında istənilən vaxt 3 rayonda vəziyyəti gərginləşdirə bilər. O regionda istənilən cüzi bir hərəkət hökümətin nəzarətində olmalıdır və ona reaksiya verilməlidir. Çox millətli Dağıstan yaranmış Avar,Kumuk, Lak, Ləzgi balansının pozulmasında maraqlı deyildir, ancaq rusiyanı militarist planından bir alət kimi istifadə edilə bilər.Xalqın müqavimətini artırmağın yeganə yolu demokratik seçkilərdir, başqa sözlə camaat yaradılan dövlət strukturlarının onunku olduğuna inanmalıdır. Əks halda hökümət özlərinindir gedib başlarına çarə qılsınlar deyəcəklər. Xalqı bu durumdan çıxarmaq müsəqilliyin qorunmasının əsas şərtidir. İndi bələdiyə seçkiləri olacaq. Heç olmazsa bu çoxda böyük əhəmiyyət kəsb etməyən hadisədən camaatın inamını yəni hər bir vətəndaşın onun səsinin əhəmiyyəti olduğuna inandırmaq lazımdır.Bu işi hökümət etməlidir. Azərbaycan müxalifəti elə bir vəziyyətdədir ki. o heç vakumdada yüngül bir şeyi qaldıra bilməz.Hər bir kənd,qəsəbə ,şəhər, rayon özünün hörmətli adamlarını tanıyır sadəcə olaraq insanlara imkan vermək lazımdır ki, o insanları seçsinlər.
Rusiyanın sərnişin təyyarəsini vurması birinci dəfə deyildir. 1983-cü ildə Koreyadan Amerikaya uçan sərnişin təyyarəsinidə vurub okeanda batırdılar. O vaxt prezident Reycan Sovet ittifaqını bəlalar imperiyası adlandırdı və onu məhv etmək üçün əlindən gələni edəcəyini elan etdi. Bu işi gördü və bu gün sovetlət imperiyası yoxdur.Ancaq tarix göstərdi ki, həmin bəla imperiyasının ən yekə başı hələdə sağdır.İndi tarix bu başıda kəsib odla dağlayan yeni Reyqan yetişdirməlidir. İlk növbədə Rus xalqını ikinci növbədə qonşuları gələcək bəlalardan xilas etməlidir. Ümid edək ki, Avropa ölkələrinin liderləridə bunları çox gözəl başa düşürlər.”
