Azərbaycanda dövlət büdcəsindən ən çox vəsait ayrılan sahələrdən biri də səhiyyə sektorudur. Ölkəmiz müstəqillik əldə etdiyi ildən bu günə qədər dövlət bu sahənin inkişafına milyardlar sərf edib. Son illər ərzində həm Bakıda, həm də regionlarımızda onlarla xəstəxana binası təmir olunaraq vətəndaşların istifadəsinə verilib. Qeyd edək ki, yeni tikilən və əsaslı təmir olunan dövlət xəstəxanalarının hamısı müasir tibbi avadanlıqlarla təchiz edilib. Dərin təəssüf hissi ilə bildirmək istəyirik ki, səhiyyə naziri Oqtay Şirəliyevin bu sahəyə istənilən səviyyədə nəzarət edə bilməməsi çox ciddi problemlərin meydana çıxmasına səbəb olub. Belə ki, hazırda ölkəmizin ən iri xəstəxanalarında özbaşınalıq, rüşvətxorluq və korrupsiya halları tüğyan etməkdədir. Nə qədər acı da olsa bunu etiraf etmək lazımdır. Cənab nazirin əksər hallarda səhiyyəmizin inkişafı barədə səsləndirdiyi pafoslu çıxışlara artıq inanan yoxdur. Gundelik-baku.com-a əhali arasında В«SemaşkoВ» xəstəxanası kimi tanınan 1 saylı Kliniki Tibbi Mərkəzdə (KTM) cərəyan edən qanunsuzluqlar barədə ilginc məlumatlar daxil olub.
Həmin məlumatlarda vurğulanır ki, baş həkim Sabit Hüseynzadə tibb ocağını uçuruma yuvarlamaq üzrədir: В«Onun baş həkim təyin olunduğu heç 1 il deyil, amma xəstəxananı yaman günə qoyub. Baş həkimin kadr siyasəti düzgün deyil. Xəstəxananın baş tibb bacısı eyni zamanda diaqnostik şöbənin tibb bacısı, neyrotramva şöbəsinin tibb bacısıdır. Yəni 1 tibb bacısı həm 3 vəzifə daşıyır, həm də başqa xəstəxanalarda işləyir. Buna misal olaraq İradə xanımı göstərmək olar. Deyilənə görə, onun Səhiyyə Nazirliyindəki şəxslərdən biri ilə yaxın münasibəti var. Kliniki Tibbi Mərkəzin sanitarları nazirlikdə ayrı-ayrı idarə və şöbələrin köməkçisi və ya katibə vəzifələrində saxlanılır. Məsələn, nazirlikdə müalicə işləri üzrə müavin olan Gülmirzə müəllimin katibəsi Dürdanə xanım özünü rəis kimi aparır. Hansı ki, В«SemaşkoВ»da uşaq şöbəsinin sanitarıdır. Xəstəxanada 10-dan artıq cərrah və reanimatoloq, həmçinin tibb bacısı ştatları vakant olmalarına baxmayaraq, nazirlikdə kadrlar şöbəsi heç vaxt bu yerlərə qəbul aparmır. Belə ki, reanimasiyada 3 xəstəyə 1 həkim qulluğu müəyyən edilib. Hazırda 20 xəstəyə 1 həkim yardım göstərir. Elə bunun nəticəsidir ki, ağırlaşma və ölüm halları tez-tez baş verirВ». Mənbə bildirir ki, baş həkimin müavini Adil Salahovun şəxsi göstərişi ilə prezidentin sərəncamları kobud surətdə pozulur: В«Belə ki, yaş həddi 65 olmasına baxmayaraq, 70 yaşı adlamış həkimlər heç bir kurs və sertifikasiya keçmədən 5 ildən artıqdır ki, işləyirlər.
Onların hər biri ilinə 5000 manat verməklə buna nail olurlar. Məsələn, cərrahiyyə şöbəsinin həkimi Əli İsmayılovu göstərmək olar. Neyrotravma şöbəsinin həkimi Teyyub Alışov, eyni zamanda göz həkimi Rəna xanım, Zaur, Faiq və bir çoxları 5 ildən artıqdır ki, hər ilinə 5000 manat verməklə işdə qalırlar. Bu pulları baş həkimin müavini Adil Salahov yığır və aparır nazirlikdə Nigar xanıma verir. Növbəyə qalan hər bir həkimdən 70 manatdan pul yığılır. Bundan başqa, həkimlərin hər biri ayda 600 manat haqq verirlər. Əlavə olaraq hər cərrahiyyə əməliyyatına görə 100 manat Adil Sadahova, 20 manat Aydın Əlizadəyə pul ödənilir ki, onlar əməliyyata buraxılsın. Burdakı rüşvət düsturu 6000+6000+6000 şəklindədir. Adil həkim xəstəxananı В«ailə podratıВ»na çevirib. Oğlunu üst çənə cərrahiyyəsinə lor həkimi, baldızı oğlunu üst çənə cərrahiyyəsinə çənə cərrahı və həyat yoldaşı tərəfdən olan qohumlarının bir çoxunu tibb bacısı və kiçik tibb personalı vəzifələrinə təyin edib. Xəstəxanaya qəbul şəxsən Adil Salahovun nəzarəti altında aparılır. Hər bir xəstədən 20+10 manat alınır. Xəstənin bütün müayinələri pulludur. Məsələn, UZİ 15 manat, EKQ 20 manat, EXO 30 manat, kompüter rentgen 40-50 manat, rentgen müayinəsi 10 manat, analizlərin hər biri 10 manatdan aparılır. Palataya xəstəni yerləşdirmək üçün əlavə olaraq 10 manat pastel pulu alınır. Xəstələrin katalkada daşınması isə əlavə olaraq 10 manat tuturВ». Cənab Oqtay Şirəliyev, bu faktları diqqətlə oxuyun və araşdırın.
Bunlar hələ В«SemaşkoВ»da cərəyan edən özbaşınalıqların cüzi hissəsidir. Baş həkim Sabit Hüseynzadə və müavini Adil Salahov dövlətin xəstəxanasını öz dədə-baba mülkləri kimi idarə edirlər. Və beləcə dövlətin bu səhiyyə ocağının fəaliyyətinin daha da yaxşılaşdırılması məqsədilə ayırdığı vəsaitlər göyə sovrulmuş olur. Biz inanmaq istərdik ki, nazir Oqtay Şirəliyev, həmçinin aidiyyəti hüquq-mühafizə orqanlarının rəsmiləri yazılan faktları dərhal araşdırıb lazımi tədbir görəcəklər. Xəstəxana ilə bağlı faktların yerdə qalan hissəsini növbəti yazımızda oxuya biləcəksiniz. gundelikbaki
Qarşı tərəflərin də cavab haqqını tanıyırıq.
