Nura Suri təhsil sisteminə dair fikirlərini bölüşüb.

Yenisabah.az xəbər verir ki, öz tənqidi yanaşmasını o, sosial media hesabında paylaşıb.

İfaçı bildirib ki, uşaqları lazımsız materiallarla yükləyərək, həyatdan bezdirmək lazım deyil: Pepperoni pizza

"Uşaqlara təhsil vermək, onların məktəbdənkarın vaxtını oğurlamaq demək deyil. Ev tapşırıqları ilə uşaqları və valideynləri yükləmək təhsil vermək hesab olunmur. Uşaqları idmana, musiqiyə, rəsmə, rəqsə və digər fəaliyyətlərə yönləndirmək onların zehni inkişafına daha çox faydalı olacaq. Bunun əvəzinə, uşaqları beyinlərinin hələ qəbul edə bilmədikləri dərslərə yükləyərək, onları həyatdan bezdirmək doğru deyil. Dövlət məktəblərində təhsil alan uşaqların valideynləri onsuz da dərs ilə bir az əlavə hazırlığa, müəllimlərə pul xərcləmək məcburiyyətindədirlər".

Müğənni qeyd edib ki, gələcəyimiz üçün sağlam düşüncəli insanlar yetişdirilməlidir:

"Azərbaycanda təhsil sisteminə mütləq və ciddi şəkildə dəyişiklik edilməlidir. Dövlət məktəblərində kameraların quraşdırılması və ciddi nəzarətin həyata keçirilməsi vacibdir. Eyni zamanda, məktəblərdə peşəkar və savadlı psixoloqların fəaliyyət göstərməsi mühümdür. Əmək və Əhalinin Sosial Müdafiəsi Nazirliyinin nəzdində imkanlı olmayan uşaqlara dəstək və nəzarət məqsədilə yeni şöbə açılmalıdır. Bu şöbə icra hakimiyyətləri ilə də əlaqədə olmalıdır. Azərbaycanın gələcəyi üçün savadlı və sağlam düşüncəli insanları yetişdirməliyik".