"Biz aldandıq, siz aldanmayın"

"Şikayətim "4fəsiltravel" adlanan tur şirkıtindəndir". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Şəlalə Şabanova adlı istifadəçi gileylənir.

Narazı vətəndaş daha sonra bildirir: "1 həftə əvvəldən pul ödəyib 3 nəfər üçün Şuşaya tur sifariş etdik, qeydiyyatdan keçdik. Bizə toplanma yeri, bələdçi nömrəsi verildi. Yola rəvan olma zamanı dananın quyruğu qopdu. 48 sərnişini yerləşdiib, bizə bildirdilər ki, sizin adınız siyahıda yoxdur. Gedin gələn həftə gələrsiniz. Etirazımızı bildirdikdə bələdçi yönləndirdi satış menecerinə, o da öz növbəsində pas verdi rəhbər deyilən Osman bəyə.

Sonda bizə verilən sual: taksiyə nə qədər pul vermisiz? Belə məsuliyyətsiz işçi heyyətinin təşkil etdiyi turdan yararlanmayın. Biz aldandıq, siz aldanmayın. Sürücü bildirdi ki, keçən dəfə də Kürdəmirdən gələn 2 nəfər yaşlı kişini də geri qaytarıblar. Belə qənaətə gəlmək olur ki, 48 nəfərlik avtobusa rezerv olaraq özlərini sığortlayıb artıq müştəri qeyd edirlər.. RƏZİLLİKDƏN başqa ad verə bilmədim..."