Müştərilər əlinizdən BOĞAZA YIĞILIB...

" "Kontakt Home" mağazalar şəbəkəsinin Nərimanov filialının nəzərinə çatdırmaq istəyirəm ki, ilkin ödəniş şərtilə kreditlə aldığım mebelin vitrində olan malla əlaqəsi olmadığı yetməzmiş kimi, mal qüsurlu olmasına baxmayaraq, tərəfinizdən qaytarılma ilə bağlı etdiyim müraciət bu günədək icra olunmamışdır". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Lamia Behbud adlı istifadəçi gileylənir.

Narazı vətəndaş daha sonra bildirir: "8 gündür ki 4 dəfə baxış keçirilir məhsula və qüsurlu olması barədə akt tərtib olunur. Amma malı qaytarmaq istəmirsiniz və əməkdaşlarınız kobud danışır, xüsusilə "*6060"ın əməkdaşları.

İstehlakçıların hüquqları haqqında qanunun 7-ci maddəsinin 1- ci bəndinə əsasən qüsurlu mal satıldıqda istehlakçı ilə bağlanmış müqavilə ləğv edilməli və dəymiş zərər ödənilməlidir.

İstehlakçı olaraq qüsurlu malı qaytarmaq istədiyimi bildirdikdə mağaza tərəfindən əvəzində başqa mal götürməyim təklif olunur israrla. Bütün bu etinasız davranışlarınıza görə Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinə rəsmi şəkildə şikayət edəcəyəm..."