Burda müştəri məmnuniyyəti SIFIR!

" "Bakuelectronics"ə müraciət edirəm, əsəb, xəstəlik içində sizə bildirmək istəyirəm ki, İnşaatçılar filialındakı müştəri məmnuniyyətində işləyən (adı da Nərmin olmalıdı) işçinizlə profilaktik söhbətlər aparın..." "DİA-AZ" xəbər verir ki, bunu "Müştəriyəm Şikayətim Var" sosial qrupundakı paylaşımında Lamiyə Camal adlı istifadəçi qeyd edir.

Narazı vətəndaş daha sonra bildirir: "İnsanı nə qədər yormaq olar?! Nə dolğun məlumat verməyi var, nə xoş gülərüz siması var. 2 ayda mənim bütün əsəblərimi məhv eliyib. Ən sonuncu hadisəni deyirəm, telfon servisdədi zəng eliyib iki dəfə deyir ki gedib poçta ərizə yazmalısız, vaxtımı pulumu ayrıb gedirəm poçta mənnən telefon istəyirlər ki telefonsuz biz sizin müraciətinizə baxa bilmərik. Filialınıza gedirəm məlumat verirəm ki telefonsuz ərizə yazdırmır poçt. İşçiniz deyir ki “təbii ki xanım telfonsuz mümkün deyil” ay insan bunu bilə bilə telfon sizdə ola ola məni niyə göndərirsən ərizə yazmağa. İBu olan hadisələrdən biridi. Heçnə, əsəb əsəb əsəb. Həm də ona konkret dəyişməyən nahar fasiləsi ayırın. Nə vaxt gəlirəm nahardadı. Vaxtın tutmaq olmur. Özü təyin edir fasiləsin. Elə iş olur? Ayaq üstə dayanıb onu gözləyirəm. Mağazada bir şəxs tapa bilmirəm bunları deməyə. Məcbur bura yazıram...."