Buralar Mehdiyevin nəzarətindədir...

"Keçmiş PA rəhbəri Ramiz Mehdiyev sovetdən qalma korrupsiya şəbəkəsinin son stimulyatorudur, desək yanılmarıq. Əgər hakimiyyət Mehdiyevdən tam üzülmək qərarı veribsə, ilk əvvəl onun korrupsioner şəbəkəısindən də qurtulmalıdır". Bu barədə "DİA-AZ"a göndərilən məqalədə deyilir.

Məqalədə daha sonra bildirilir: "Ramiz Mehdiyev uzun illər bu şəbəkə başçılıq edib. Hətta sovet dönəmlərindən. AXC-Müsavat iqtidarı zamanı belə mehdiyevçilərin bəziləri iş başında idi. Heydər Əliyev dönəmində isə onlar Rusiyanın təzyiqi ilə genişlənə, şəbəkələşə, hakimiyyətin ən üst pillələrinə belə nüfuz edə bildilər.

İndi isə dönəm və siyasət dəyişib, dəyişir. Mehdiyevə və deməli, həm də onun şəbəkəsinə "əlvida" deyiləcək, deyilməlidir. Əks halda, heç bir effekt olmayacaq.

Bu gün ilk işi isəƏdliyyə Nazirliyinin tərkibində fəaliyyət göstərən Penitensiar Xidmətdən başlamaq lazımdır.

Bunu bilən bilir. Hazırda digər dövlət qurumlarında yaxşıdan-pisdən islahat, dəyişiklik aparılır, amma illərdir bu sektor - Penitensiar xidmət mehdiyevçilərin nəzarəti altındadır, günü bu gün də elə olaraq qalır. Hətta həbsə atılan mehdiyevçi icra başçıları da həbsdə məhz Mehdiyevin himayəsi altında olurlar.

Vu sahə təmizlənməlidir. Əks halda ciddi nəticə əldə oluna bilməz..."