Şikayət etdiyi üçün ona hədə-qorxu gəlirlər...

Göygöl rayon sakini İlqar Əliyev bildirir ki, bir qrup özünü vəzifəli şəxs kimi təqdim edən şəxslər və Göygöl rayonunun icra nümayəndəsi Etibar Məmmədov vəzifələrindən su istifadə edərək onun iki övladına və özünə ruhi xəstə olmaları ilə bağlı saxta sənəd hazırlayıblar.

"DİA-AZ"ın məlumatına görə, şikayətçi həmin şəxslərin daha da irəli gedərək saxta yolla onlara ölüm şəadətnaməsi hazırlatdırdığını da bildirib. Vətəndaş iddia edir ki, həmin şəxslər saxta ölüm şəhadətnaməsi ilə Rusiyanın Ulyanov şəhərindəki ona məxsus olan evi Bakı şəhəri Nərimanov rayonunda yerləşən İsmayıl Hidayətzadə küçəsi ev 49 A, mənzil 15 ünvanına dəyişiblər.

İlqar Əliyev deyir ki, bununla bağlı demək olar ki, bütün aidiyyatı qurumlara müraciət edib, lakin şikayətinə bu günə kimi baxan olmayıb. O iddia edir ki icra nümayəndəsi Etibar Məmmədov ona bildirib ki, biz sənə kömək etsək, bizi vəzifəmizdən azad edərlər, hətta həbs edərlər.

Əliyevin iddiasına görə, şikayət etdiyi üçün ona hədə-qorxu gəlirlər. O aidiyyatı qurumlara müraciət edərək ona kömək etmələrini xahiş edir.