Qubada kənd sakinlərini təhqir edən məmur vəzifədən AZAD EDİLDİ

Quba rayon İcra Hakimiyyəti başçısı İlqar Mahmudov rayonun Xucbala İnzibati Ərazi Dairəsi üzrə nümayəndəsinin müavini Rauf Adil oğlu Şıxməmmədovu tutduğu vəzifədən azad edib.

"DİA-AZ" xəbər verir ki, Bizim.Media-nın məlumatına görə, Rauf Şıxməmmədov sosial şəbəkədə təhqiramiz fikirlər yazdığına görə postunu itirib.

Belə ki, icra nümayəndəsi sosial şəbəkələrdə Qubanın qədim yaşayış məntəqələrindən olan Buduq kəndi və buduqlular barədə təhqiramiz ifadələr işlədib.