5 aylıq kursla “TİBB BACISI” olmaq: İnsanların həyatı ilə belə OYNAYIRLAR
Bu gün, 10:09
Bəzi peşələr var ki, artıq insanlar onları öyrənmək üçün təhsil almağa ehtiyac duymurlar. Bunun əvəzinə, kurslara gedirlər və 5-6 aylıq dərslər nəticəsində sertifikat alırlar. Əlbəttə, bu kursların müsbət cəhətləri çoxdur. Ancaq elə işlər var ki, onu kursla öyrənmək məqsədəuyğun sayılmır. Məsələn, tibb bacısı və əczaçılıq işlərinin kursla öyrədilməsi, xüsusilə həkimlər tərəfindən düzgün hesab edilmir.
Həmin mütəxəssislərdən biri də tibb mütəxəssisi, professor Adil Qeybulladır.
O, Bizim.Media-ya açıqlamasında bildirib ki, tibb kurslarının olmasını doğru hesab etmir.
“Ali tibb təhsili Tibb Universitetində, tibb kolleclərində verilir. Digər tibb kurslarının verdiyi diplomlar qeyri-qanunidir. Heç bir hüquqi qüvvəsi yoxdur”.
“O diplomlar heç nəyə lazım deyil...”.
“Həmin kurslara aldanan şəxslər bilməlidir ki, o diplom müəyyən müddət sonra heç nəyə lazım olmayacaq. Çünki dövlət lisenziyalı tibb kollecini bitirməyən şəxs orta tibb işçisi ola bilməz”.
Müsahibimiz xəbərdarlıq edib ki, tibb kurslarının hüquqi əhəmiyyəti olmadığı üçün oranı bitirənlərin gələcəkdə işləmək imkan olmayacaq.
Geri qayıt