"Məni sənətdən uzaqlaşdırmaq istəyənlər var"

“Vallah, mən cavanların yerini dar etmirəm”.

Yenicag.az xəbər verir ki, bu sözləri tanınmış müğənni Yusif Mustafayev “İncəSəhər” verilişində qonaq olarkən deyib.

Sənətçi müəyyən yaşdan sonra hələ də səhnədə olduğuna görə onu tənqid edənlərə cavab verib:

“Bu yaxınlarda bir söz eşitdim: Allah insanı başdan yox, ayaqdan qocaltsın. İnsanı yaşadan sevgidir. Gələn il fəaliyyətimin 50-ci ili tamam olacaq, yarım əsrdir ki, oxuyuram.

Bəzi insanlar mənə deyir ki, ‘bəsdir, mikrofonu yerə qoy, qoy cavanlar oxusun’. Deyirəm, vallah, mən cavanların yerini dar etmirəm. Elə öz oğlum da artıq oxumağa başlayıb. Mən bu mikrofonu yerə qoyub evə qapansam, çox yaşamaram. Məni yaşadan sənətim və səhnədir”.