Paşinyandan ermənilərə siyasi mesaj

Ermənistanın Baş naziri Nikol Paşinyan sosial şəbəkə hesabında iş gününə şən musiqi ilə başladığını deyib. “Elvina Makaryanın mahnısı iş gününə gözəl başlanğıcdır” qeydini yazıb. Lakin bu paylaşım ölkə ictimaiyyətində geniş etiraz doğurub. Bəs görəsən baş nazirə qarşı bu aqressiyanın səbəbi nədir? Bu, Paşinyana qarşı narazılığın artması ilə bağlıdırmı?

Mövzunu KONKRET.az-a şərh edən Beynəlxaq münasibətlər üzrə şərhçi Əziz Əlibəyli bildirib ki, Ermənistanda gözlənilmədən ciddi problemlər üzə çıxıb və bu, hakimiyyət daxilində gərginliyi daha da artırıb:

“Parlament sədri Alen Simonyan Paşinyana qarşı real rəqib kimi ortaya çıxıb. Bu isə hakimiyyət daxilində dönüşü olmayan problemlərin başlanğıcıdır. Paşinyanın yaxın silahdaşlarının belə onu siyasi məqsədlər naminə qurban vermək ehtimalı var. Məhz buna görə ictimai etirazlar da artır”.

Ekspertin sözlərinə görə, Paşinyanın günə pozitiv paylaşım ilə başlaması əslində siyasi mesaj xarakteri daşıyır:

“Baş nazir bununla demək istəyir ki, hadisələrə baxmayaraq, o, mövqeyindən geri çəkilməyəcək. Paşinyan bu jestlə cəmiyyətə və siyasi rəqiblərinə “fəaliyyətimiz heç bir formada təsirlənməyəcək” mesajını
göndərir”.