Lənkəranın kanalizasiya sistemini tikəcək şirkət müəyyənləşib

Bu barədə İqtisadiyyat.az Azərbaycan Dövlət Su Ehtiyatları Agentliyindən (ADSEA) məlumat əldə edib.

Bildirilib ki, agentliyin bir müddətdir bununla bağlı həyata keçirdiyi hazırlıq işləri yekunlaşıb. Belə ki, kanalizasiya sisteminin tikintisi işləri “Protean Construction” ASC-yə həvalə olunub və müqavilə bağlanılıb.

Məlumata görə, şəhərin kanalizasiya sisteminin tikintisi 38 milyon 558 min 538 manata başa gələcək.

Qeyd olunub ki, tikinti işləri Lənkəran şəhərinin su təchizatı və kanalizasiya sisteminin yaradılması layihəsi çərçivəsində həyata keçiriləcək.