Lavrov bu ölkədə çimərliyə getdi, PUA-lar...

Pilotsuz uçuş aparatları artıq beynəlxalq əməkdaşlığın elementidir və mülki sahədə fəal şəkildə istifadə olunur, məsələn, Rusiya xarici işlər naziri Sergey Lavrovun KXDR-ə səfəri zamanı PUA-lar çimərlikdə müşahidə aparırdılar.

Axar.az xəbər verir ki, bunu jurnalistlərə Rusiya Xarici İşlər Nazirliyinin rəsmi nümayəndəsi Mariya Zaxarova “Saxalin qanadları” beynəlxalq forumunun kuluarlarında deyib.

“Biz bu yaxınlarda KXDR-də idik, ölkəyə Rusiyanın xarici işlər naziri Sergey Viktoroviç Lavrov baş çəkdi. Və ziyarət edilən yerlərdən biri də KXDR-in kurort zonası idi, burada, məsələn, dronlar çimərlik boyu monitorinq funksiyalarını yerinə yetirirdi. Bu, sadəcə bir nümunədir. Yəqin ki, indi elə bir ölkə yoxdur ki, bu mövzuya prioritet diqqət yetirməsin”, - Zaxarova bildirib.