Ölkəyə milyardlar qazandıran neftçilər BİT-BİRƏ İÇİNDƏ...

Neft Daşları Neft Qaz Çıxarma İdarəsinin və Kompleks Qazma İşləri Trestinin işçilərinin yaşadıqları yaşayış blokunda acınacaqlı hal yaşanmaqdadır. "DİA-AZ" xəbər verir ki, yaşam şəraitindən gileylənən neftçilər öz müraciətlərində deyilər:

"DSÖ-1646-Dəniz stasionar özüldə yaşayış bloklar bit-birəynən (taxta biti) ilə doludur.

Əziyyət çəkirik qaşınmadan, dəhşətli vəziyyətdir. Döşəklər hamısı bit içindədir.

Bu istidə biz uzun müddət qeyri-insani şəraitdə qaşınırıq. Biz burada adam sayılmırıq.

Bədənimiz dişlək içindədi bu istidə... niyə belə antisanitar şəraitdə işləməliyik, axı?"

"DİA-AZ" qeyd edir ki, məsələyə dərhal reaksiya verən  Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı SOCAR Azneft İstehsalat Birliyinin sahə üzrə məsul şəxslərini təcili tədbir görməyə səsləyib.