Mollayevin köhnə halı: YENƏ DƏ MAAŞLAR YUBANIR, İŞÇİ DARDA...

"Cəzasızlar!!!" "DİA-AZ" xəbər verir ki, bu etiraz dolu ifadə ilə sözünə başlayan Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı yenə də SOCAR AQŞ üçün xarakterik olan məsələ ilə bağlı əlaqədar qurum və şəxslərdən hesabat tələb edib. NHMT sədri yazır:

"Azərbaycan Respublikasının Əmək Məcəlləsinin maddə 310.-da yazılıb ki, rəhbər işçilər , bu Məcəllə ilə müəyyən olunmuş hüquqları pozmağa görə qanunvericiliklə müəyyən edilmiş qaydada maddi, intizam, inzibati və cinayət məsuliyyəti daşıyırlar.

SOCAR AQŞ rəhbəri cənab Samir Mollayevə və benefisiar sahibinə müraciət edirəm!

İşçi bildirir ki, üç aydır ki, SOCAR AQŞ yenə hələ də onların əmək haqlarını ödəməyib.

Bu halda qurum ARƏM Maddə 178. 1. əsasən hər gecikdirilmiş gün üçün işçiyə əmək haqqının azı bir faizi məbləğində ödənc verməidir".

"DİA-AZ" qeyd edir ki, SOCAR AQŞ” MMC 2007-ci ildə qazma və quyu xidmətləri göstərən birgə müəssisə kimi təsis edilib.

Tərəflər və iştirak payları :SOCAR-13.38% , Nobel Oil Ltd., - 73.77% , Abşeron Qazma MMC -12.85%